شي جينپيڭ: پرەزيدەنت نازاربايەۆ - مەنىڭ جاقىن دوسىم
استانا. قازاقپارات - قىتاي حالىق رەسپۋبليكاسىنىڭ ءتوراعاسى شي جينپيڭ قازاق-قىتاي بيزنەس فورۋمىنا ۇندەۋ جولداپ، قازاقستاننىڭ پرەزيدەنتى نۇرسۇلتان نازاربايەۆقا ءوز ريزاشىلىعىن ءبىلدىردى، دەپ حابارلايدى قازاقپارات ءتىلشىسى.
«قۇرمەتتى پرەزيدەنت نازاربايەۆ، قۇرمەتتى دوستار، قوناقتار، بيىل «ءبىر بەلدەۋ - ءبىر جول» باستاماسىنا بەس جىل تولىپ وتىر. پرەزيدەنت نازاربايەۆ - مەنىڭ جاقىن دوسىم. بەس جىلدىق مەرەيتوي اياسىندا ول بيزنەس فورۋمدى وتكىزۋدى ۇسىندى. مەن وسى يدەيانى جوعارى باعالايمىن جانە تولىعىمەن قولدايمىن. فورۋمنىڭ اشىلۋىمەن شىن جۇرەكتەن قۇتتىقتايمىن. پرەزيدەنت نازاربايەۆقا ءوز ريزاشىلىعىمدى بىلدىرەمىن»، - دەدى شي جينپيڭ ءوزىنىڭ بەينەۇندەۋىندە.
ايتا كەتەيىك، استاناداعى «ريكسوس» قوناق ۇيىندە قازاق-قىتاي بيزنەس فورۋمى باستالدى. وعان ق ر پرەزيدەنتى نۇرسۇلتان نازاربايەۆ تا ءوز قۇتتىقتاۋىن جولدادى.
