ەردەن قاجىبەك: لاتىن قارپىنە كوشۋدە كىرمە سوزدەرگە عالىمداردىڭ شاماسى جەتپەي جاتىر
سالتاناتتى باسقوسۋدا عالىمدار لاتىن قارپىنە كوشۋدە ءتىل ەملەسىن جاساۋداعى ماسەلەلەرگە توقتالدى. احمەت بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى ەردەن زادا ۇلىنىڭ ايتۋىنشا، ەملە جاساۋداعى قيىندىقتار كىرمە سوزدەرگە كەلىپ تىرەلەدى.
«بىزدە قازىرگى تۋىنداپ جاتقان ماسەلەلەردىڭ قازاقتىڭ تىلىنە قاتىسى جوق. نەگىزگى كەدەرگى - كىرمە سوزدەر. ەملە جاسالعاندا ءبىر ءتىلدىڭ سوزدەرى عانا تايعا تاڭبا باسقانداي دايارلانۋى كەرەك. ادامدار قازاق تىلىنە ورىستىڭ سوزدەرىن قىستىرماي سويلەي المايدى، ماسەلە سوندا. جاعداي وتە قيىن. عالىمداردىڭ شاماسى جەتپەي جاتىر»، - دەدى ەردەن قاجىبەك.
پروفەسسور 2025-جىلعا دەيىن شۇبار تىلدەن ارىلۋ كەرەگىن اتاپ ءوتتى.
«كەزىندە احاڭ «قازاق ءتىلى تۇركى حالىقتارىنىڭ ىشىندە ەڭ تازا ءتىل» ەكەنىن ايتقان. قازىر ولاي ەمەس. ءبىراق بىزدە 2025 -جىلعا دەيىن مۇمكىندىك بار. ءبىزدىڭ ءتىلىمىزدىڭ ىشىندە شىنىنىڭ سىنىقتارى سياقتى شىعارىلۋى ءتيىستى ەلەمەنتتەر بار. باتپانداپ كىرگەن دۇنيە مىسقالداپ شىعادى. تاعى ءبىر ماسەلە - تۇرىكتەردىڭ تاجىريبەسىنە قاراپ جازۋ ءتىلىمىزدى تۇزەتۋ. مۇمكىندىگىنشە جاناستىرۋ جاعىنا قاراي يكەمدەلۋىمىز كەرەك. ال قازىرگى قابىلداعان ءالىپبيىمىز جاناستىرۋدىڭ ىڭعايىنا كەلىڭكىرەمەيدى. احاڭ ايتقانداي، قازاق پەن قىرعىزدىڭ ورتاق ءالىپبيى كەرەك. عالىمدار ءوزارا ءباتۋعا كەلىپ، اقىلداسىپ، سىنعا قۋانۋدى ۇيرەنبەيىنشە ەملە جۇمىسى جالعاسا بەرەدى»، - دەدى ەردەن قاجىبەك.
سونداي- اق ول احمەت بايتۇرسىنوۆتىڭ «ءالىپبي تىلگە شاق بولۋى كەرەك»، - دەگەن ءسوزىن ەسكە ءتۇسىرىپ، دىبىس سانىنان ءارىپ سانىنىڭ از بولعانىن ءجون سانايتىنىن جەتكىزدى.
بۇدان وزگە، پلەنارلىق وتىرىستا ءۋاليحان قاليجانوۆ باستاعان عالىمدار توبى لاتىن الىپبيىنە ارنالعان باياندامالارىن وقىدى.
بۇل كۇنى عالىم احمەت بايتۇرسىنوۆتىڭ ەڭبەكتەرىنىڭ كورمەسى ۇيىمداستىرىلدى.
اۆتور: ارايلىم جولداسباي
