مەملەكەت باسشىسى الماتىنىڭ يندۋستريالىق ايماعىمەن تانىستى

الماتى. قازاقپارات - مەملەكەت باسشىسى الماتى قالاسىنىڭ يندۋستريالىق ايماعىن ارالاپ كوردى، دەپ حابارلايدى اقوردانىڭ باسپا ءسوز قىزمەتى.

قازاقستان پرەزيدەنتىنە الماتى قالاسىنىڭ يندۋستريالىق ايماعىنداعى جۇمىس ناتيجەلەرى مەن ونى دامىتۋدىڭ پەرسپەكتيۆالىق جوسپارلارى جونىندە مالىمدەلدى.

نۇرسۇلتان نازاربايەۆ جوعارى تەحنولوگيالى توك وتكىزگىش كابەل ونىمدەرىن شىعاراتىن «КМК Investment» جاۋاپكەرشىلىگى شەكتەۋلى سەرىكتەستىگىنىڭ وندىرىستىك سيكلىمەن، سونداي- اق دايىن ءونىم ۇلگىلەرىمەن تانىستى.

كاسىپورىن جۇمىسشىلارىمەن اڭگىمەلەسكەن ەلباسى وندىرىستە ەۋروپالىق ساپاعا ساي باسەكەگە قابىلەتتى ءونىم شىعارۋعا مۇمكىندىك بەرەتىن زاماناۋي تەحنولوگيا مەن قۇرىلعىلار قولدانۋدىڭ ماڭىزدىلىعىن اتاپ ءوتتى.

مەملەكەت باسشىسى «Tokyo Rope Almaty» جاۋاپكەرشىلىگى شەكتەلۋ سەرىكتەستىگىنىڭ زاۋىتىندا مەتالل گابيون تورىن جاسايتىن اۆتوماتتاندىرىلعان وندىرىسپەن تانىسىپ، دايىن ءونىم ۇلگىلەرىن كوردى.

 فوتو: primeminister.kz