تەڭگەنىڭ السىرەۋى باعا مەن تاريفتەرگە قىسىم كورسەتەدى - تيمۋر سۇلەيمەنوۆ
«تەڭگەنىڭ السىرەۋى باعا مەن تاريفتەرگە قىسىم كورسەتەتىنىن اتاپ وتكەن ءجون. باعا مەن ۇلتتىق ۆاليۋتانىڭ اراسىنداعى جوعارى كوررەلياتسيانى ەسكەرە وتىرىپ، اعىمداعى تەڭگە باعامىندا ينفلياتسيا دەڭگەيى 1 پايىزدىق تارماققا ۇلعايۋى مۇمكىن»، - دەدى تيمۋر سۇلەيمەنوۆ.
ونىڭ ايتۋىنشا، تەڭگەنىڭ ءبىرشاما السىرەۋىن جانە ينفلياتسيانىڭ ماۋسىمدىلىعىن ەسكەرە وتىرىپ، 2018-جىلدىڭ قورىتىندىسى بويىنشا ينفلياتسيا دەڭگەيى باعالاۋ بويىنشا جاڭا ارالىقتىڭ جوعارى دەڭگەيىنە جاقىن بولۋى مۇمكىن.
«وسىعان بايلانىستى اكىمدىكتەرگە تۇراقتاندىرۋ قورلارىن تولتىرۋ، وتىن-كومىر جانە ديزەل وتىنىن كەدەرگىسىز جەتكىزۋ بويىنشا جۇمىستاردى قاتاڭ نازاردا ۇستاۋ قاجەت دەپ ەسەپتەيمىز»، - دەدى مينيستر.
ءتورتىنشى توقساندا ينفلياتسيالىق پروتسەستەردىڭ كۇشەيەتىنىن نازارعا الا وتىرىپ، جەرگىلىكتى اتقارۋشى ورگاندار تۇراقتاندىرۋشى قورلارىن ۋاقتىلى تولىقتىرۋى، باعاعا مونيتورينگ جاساي وتىرىپ كومىر مەن ديزەل وتىنىنىڭ ءۇزىلىسسىز جەتكىزىلىمدەرى بويىنشا جۇمىستى كۇشەيتۋى قاجەت.
