تۇركى تىلدەس ەلدەر كەڭەسىنىڭ باس حاتشىسى تاعايىندالدى

شولپان- اتا. قازاقپارات - باعدات امىرەيەۆ تۇركى تىلدەس ەلدەرى ىنتىماقتاستىق كەڭەسىنىڭ باس حاتشىسى بولىپ تاعايىندالدى، دەپ حابارلايدى قازاقپارات ءتىلشىسى.

باعدات امىرەيەۆ 1959 -جىلى 1 - ناۋرىزدا وڭتۇستىك قازاقستان وبلىسىنىڭ سوزاق اۋدانىندا دۇنيەگە كەلدى.

 دۋشانبە مەملەكەتتىك ۋنيۆەرسيتەتىنىڭ شىعىستانۋ فاكۋلتەتىن ءتامامداعان. 1981-1996 -جىلدارى يەمەن، ليۆان مەملەكەتتەرىندە ءتىلماش، قازاق مەملەكەتتىك ۋنيۆەرسيتەتىنىڭ (قازىرگى ءال- فارابي اتىنداعى قازاق ۇلتتىق ۋنيۆەرسيتەتى) وقىتۋشىسى، سىرتقى ىستەر مينيسترلىگىنىڭ باسقارما باستىعى، يراك مەملەكەتىندە ءتىلماش قىزمەتتەرىن اتقارعان.

1996-2002 -جىلدارى قازاقستان رەسپۋبليكاسىنىڭ ساۋد ارابياسى، كۋۆەيت، ومان، كاتار، باحرەين مەملەكەتتەرىندەگى، ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى، سيريا اراب رەسپۋبليكاسىنداعى، ماروككو كورولدىگىندەگى توتەنشە جانە وكىلەتتى ەلشىسى مىندەتىن قوسا اتقارۋشى بولعان.

2011 -جىلدان باستاپ قازاقستان رەسپۋبليكاسىنىڭ يران يسلام رەسپۋبليكاسىنداعى توتەنشە جانە وكىلەتتى ەلشىسى قىزمەتىن اتقارعان.

اۆتور: ارمان اسقاروۆ