ارىستانبەك مۇحامەدي ۇلى ءتۋريزمدى دامىتۋ ءۇشىن بار كۇش- جىگەرىن سالۋعا ۋادە بەردى
«تۋريزم ەلىمىزدەگى كاسىپكەرلىكتىڭ دامۋىنا جاڭا قارقىن بەرەتىن بولادى. نۇرسۇلتان نازاربايەۆ پارلامەنت پالاتالارىنىڭ بىرلەسكەن وتىرىسىندا بيىلعى جىلى 2023 -جىلعا دەيىنگى ءتۋريزمدى دامىتۋدىڭ مەملەكەتتىك باعدارلاماسىن جاساۋعا تاپسىرما بەردى. تۋريزم سالاسى قازاقستانداعى كاسىپكەرلىكتىڭ دامۋىنا تىڭ قارقىن بەرمەك. باسقا مەملەكەتتەر ۇلگىسىن بەتكە ۇستاپ، ەلىمىزدىڭ ج ى ءو ءتۋريزمنىڭ ۇلەسىن ۇلعايتۋدى كوزدەپ وتىرمىز. الدىن- الا ەسەبىمىز بويىنشا، 2023 -جىلعا تۋريزم ۇلەسى 8 پايىز (جالپى ىشكى ونىمدە- ا ۆ ت. ) بولماق» ، - دەيدى مينيستر.
ارىستانبەك مۇحامەدي ۇلىنىڭ جازۋىنشا، ەلباسى اتاپ وتكەندەي، ءتۋريزمدى دامىتۋ باعدارلاماسى بيىلعى جىلدىڭ اياعىنا دەيىن قابىلدانۋى ءتيىس. ول قارجى، زاڭناما تۇرعىسىنان نەگىزدەلۋى كەرەك. وسى جىلدىڭ اياعىنا دەيىن تۋريستىك قىزمەت تۋرالى زاڭناماعا وزگەرىس ەنگىزۋ قاجەت.
«نۇرسۇلتان نازاربايەۆ ماقساتتى تۇردە دەمالىس جانە تۋريستىك ورىندارمەن تانىستى: «ولار شىنىمەن ناقتى، الايدا تۋريزم ينفراقۇرىلىمىنا ۇلەس قوسۋ ماسەلەسىن جولعا قويۋ قاجەت. بيزنەس تە وسىندا كەلۋگە دايىن. ماقسات ايقىن، قولداۋ ءۇشىن العىسىمىز شەكسىز، كۇش- جىگەرمەن تۋريزم سالاسىن دامىتۋدى جالعاستىرامىز!» ، - دەدى ارىستانبەك مۇحامەدي ۇلى.
ەسكە سالا كەتسەك، بۇگىن استانادا مەملەكەت باسشىسى نۇرسۇلتان نازاربايەۆتىڭ قاتىسۋىمەن ق ر پارلامەنتى پالاتالارىنىڭ بىرلەسكەن وتىرىسى وتكەن بولاتىن.
جيىن بارىسىندا پرەزيدەنت 2019 -جىلدىڭ 1 - قاڭتارىنان باستاپ جالاقىسى تومەن ازاماتتاردىڭ تابىس سالىعى 10 ەسەگە ازاياتىندىعىن ايتتى.
سونداي- اق ەلباسى قۇزىرلى ورگان وكىلدەرىنە تۇرعىن ءۇي- كوممۋنالدىق شارۋاشىلىق سالاسىندا قالىپتاسقان ماسەلەلەردى شەشۋدى تاپسىردى.
پرەزيدەنت سوزىندە قازاقستانداعى ءتۋريزمنىڭ مۇمكىندىكتەرىنە دە باعا بەردى.
اۆتور: ايان بەكەن ۇلى
