نۇرسۇلتان نازاربايەۆ كەلەسى جولداۋ قانداي ماسەلەلەردى قوزعايتىنىن ايتتى
«بۇگىن مەن اتاپ وتكەن جۇمىستاردىڭ بارلىعىنىڭ تۇپكى مەجەسى - ەلدىڭ تۇرمىس-تىرشىلىگىن جاقسارتىپ، ارى قاراي دامي ءتۇسۋ. وسى ماقساتقا جەتۋىمىز ەكونوميكالىق-ساياسي، الەۋمەتتىك، رۋحاني بىرلىگىمىزدىڭ مىزعىماۋىنا تىكەلەي بايلانىستى. بۇل ورايدا حالىق قالاۋلىلارىنا دا زور جاۋاپكەرشىلىك جۇكتەلەدى. ەلدىڭ ۇدەسىنەن شىعىپ، قازاقستاندى تۇراقتى جانە قارقىندى دامىتۋ جولىندا جەمىستى جۇمىس ىستەيتىندىكتەرىڭىزگە سەنەمىن. ءبارىڭىزدى كەزەكتى پارلامەنتتىك سەسسيانىڭ اشىلۋىمەن تاعى دا قۇتتىقتاي وتىرىپ، قىزمەتتەرىڭىزگە تابىس، وتباسىلارىڭىزعا اماندىق تىلەيمىن. ىسكە ءسات!»، - دەدى مەملكەت باسشىسى پارلامەنت پالاتالارىنىڭ بىرلەسكەن وتىرىسىندا.
ەلباسى الداعى ۋاقىتتا جاريا ەتىلەتىن حالىققا جولداۋىندا قازىرگى اۋمالى-توكپەلى زاماندا قابىلدانۋى ءتيىستى تاباندى شەشىمدەر جايى قوزعالاتىنىن ايتتى.
«قازىرگى ۋاقىتتا ورىن الىپ جاتقان ساۋدا سوعىستارى، الەمدە جانە توڭىرەگىمىزدە، ىشىمىزدە گەوساياسي احۋالدىڭ وزگەرۋى، ءبىز جۇمىس ىستەيتىن تەحنولوگيالىق پروتسەسس - مۇنىڭ بارلىعى ەكونوميكانىڭ بارلىق سالالارىنا مۇلدەم جاڭا مىندەتتەر قويادى. تاياۋ ۋاقىتتا سىزدەرمەن بۇل ماسەلەنى تالقىلاپ، شەشەتىن بولامىز»، - دەدى نۇرسۇلتان نازاربايەۆ.