قازاقستان پروكۋرورلارى قىتايلىق ارىپتەستەرىمەن ۇرىمجىدە كەزدەستى
كەزدەسۋ بارىسىندا ىنتىماقتاستىقتىڭ وزەكتى ماسەلەلەرى تالقىلاندى، قىلمىسقا قارسى كۇرەس، ونىڭ ىشىندە تەرروريزمگە جانە ەكسترەميزمگە قارسى ءىس- قيمىل سالاسىندا تاجىريبەلەرىمەن ءبولىستى.
«جالپى ەكى ەل اراسىندا وزەكتى ماسەلەلەر بويىنشا الەۋەتتى، قۇقىق قورعاۋ جانە ارنايى قىزمەتتەردىڭ جەلىسى بويىنشا ستراتەگيالىق سەرىكتەستىك قالىپتاستى. ەكىجاقتى قاتىناستارعا جاڭا سەرپىن بەرگەن ش ى ۇ قاتىسۋشىلارىنىڭ باس پروكۋرورلارىنىڭ 15- وتىرىسى شەڭبەرىندە سانكت- پەتەربۋرگتە 2017 -جىلعى قاراشادا ەكى ەلدىڭ باس پروكۋراتۋرالارى قول قويعان ىنتىماقتاستىق تۋرالى مەموراندۋم جانە شەكارالاس ىنتىماقتاستىق تۋرالى كەلىسىم پايدا بولدى» ، - دەلىنگەن حابارلامادا.
قازاقستاندىق دەلەگاتسيانىڭ وكىلدەرى قىلمىستىق ىستەر جانە سوتتالعانداردى ۇستاپ بەرۋ بويىنشا حالىقارالىق- قۇقىقتىق كومەك كورسەتۋ ماسەلەلەرىن قاراۋدا كومەك كورسەتكەنى ءۇشىن شەتەلدىك ارىپتەستەرگە العىس ءبىلدىردى.
سوڭعى ەكى جىلدا قىتايدان قازاقستانعا ودان ءارى جازانى وتەۋ ءۇشىن قىتاي سوتى سوتتاعان 15 قازاقستاندىق ەلگە جەتكىزىلدى.
ءىس- شارا جۇرگىزىلگەن شەكارا كەزدەسۋىنىڭ حاتتاماسىنا قول قويۋىمەن اياقتالدى.
ايتا كەتۋ كەرەك، بۇل ەكى ەلدىڭ قاداعالاۋ ورگاندارىنىڭ ەكىنشى كەزدەسۋى. ولار 2017 -جىلعى جەلتوقساندا الماتى قالاسىندا وتكەن ەدى.
