قازاقستانداعى قىتايدىڭ جاڭا ەلشىسى تاعايىندالدى

بەيجىڭ. قازاقپارات - تاجىريبەلى ديپلومات جاڭ شياۋ ق  ح ر- نىڭ قازاقستانداعى ەلشىسى بولىپ تاعايىندالدى. ول استاناعا كەلىپ، ءوز مىندەتتەرىنە كىرىسىپ تە كەتتى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

جاڭ شياۋ  1964 -جىلى جەلتوقسان ايىندا دۇنيەگە كەلگەن. بەيجىڭ شەت تىلدەرى ۋنيۆەرسيتەتىنىڭ ورىس ءتىلى فاكۋلتەتىن ءتامامداعاننان كەيىن 1987 -جىلى ق ح ر س ءى م- گە جۇمىسقا تۇرعان. 1989-1990 -جىلدارى ا. ي. گەرتسەن اتىنداعى لەنينگراد مەملەكەتتىك پەداگوگيكالىق ينستيتۋتىندا تاعلىمدامادان وتكەن. وتكەن 30 جىل ىشىندە ول قىتايدىڭ ۋكرايناداعى جانە بەلارۋستەگى ەلشىلىكتەرىندە، ق ح ر- دىڭ سانكت- پەتەربۋرگتەگى باس كونسۋلدىعىندا جۇمىس ىستەگەن. 2011-2013 -جىلداردا قىتايدىڭ وزبەكستانداعى توتەنشە جانە وكىلەتتى ەلشىسى بولعان. 2014 -جىلدان باستاپ ق ح ر- دىڭ رەسەيدەگى ەلشىلىگىندە ەڭبەك ەتتى.

 ەسكە سالا كەتسەك، ق ح ر- دىڭ قازاقستان رەسپۋبليكاسىنداعى بۇرىنعى ەلشىسى جاڭ حانحۋي 2018 -جىلى 18 - مامىردا استانادان بەيجىڭگە ورالىپ ق ح ر سىرتقى ىستەر ءمينيسترىنىڭ كومەكشىسى لاۋازىمىنا تاعايىندالعان بولاتىن.