ەلباسى توموتەراپيا جانە يادرولىق مەديتسينا ورتالىعىندا بولدى
ەلباسى توموتەراپيا جانە يادرولىق مەديتسينا ورتالىعىنىڭ جاڭا عيماراتىن ارالاپ كورىپ، ءار ناۋقاستىڭ جەكەلەگەن قاجەتتىلىكتەرىنە ساي ونكولوگيالىق اۋرۋلاردى ناقتى ءارى جوعارى ساپالى ساۋلە بەرۋ ارقىلى ەمدەۋگە مۇمكىندىك بەرەتىن «TomoTherapyHI-HD» قۇرىلعىسىنىڭ جۇمىسىمەن تانىستى.
نۇرسۇلتان نازاربايەۆ مەديتسينالىق مەكەمەنىڭ قىزمەتكەرلەرىمەن اڭگىمەلەسۋ كەزىندە ونكولوگيالىق اۋرۋلارعا دياگنوستيكا جاساپ، ولاردى ەمدەۋ بارىسىندا زاماناۋي عىلىمي ادىستەردى قولدانۋدىڭ ماڭىزدىلىعىن اتاپ ءوتتى.
سونىمەن قاتار، قازاقستان پرەزيدەنتىنە مەديتسينالىق قۇرال- جابدىقتار مەن پرەپاراتتار شىعاراتىن جاڭا كاسىپورىننىڭ قىزمەتى جونىندە مالىمدەلدى.
***
توموتەراپيا جانە يادرولىق مەديتسينا ورتالىعىنىڭ ارناۋلى قۇرىلعىلارى حالىقارالىق ستاندارتتارعا سايكەس ەمدەۋ ۇدەرىسى مەن ساپاسىن وڭتايلاندىرۋعا جانە جەتىلدىرۋگە، سونداي- اق الداعى ۋاقىتتا وزگە ەلدەردەگى ونكولوگيالىق اۋرۋعا شالدىققان پاتسيەنتتەرگە مەديتسينالىق كومەك كورسەتۋگە زور مۇمكىندىك بەرەدى.
