قازاقستاننىڭ ۇزدىك زاڭگەرلەرى ماراپاتتالدى
«اتا زاڭمىز ءوزىنىڭ ومىرشەڭدىگىن كورسەتىپ وتىر. ويتكەنى قولدانىستاعى كونستيتۋتسيا تىنىشتىقتى، ەكونوميكالىق ءوسۋدى جانە قازاقستاندا قۇقىق ۇستەمدىگىن قامتاماسىز ەتىپ وتىر. سوندىقتان كونستيتۋتسيا كۇنى بۇكىل قازاقستان حالقى ءۇشىن ۇلكەن مەرەكە. كونستيتۋتسيا - ەگەمەن قازاقستاننىڭ بەرىك ىرگەتاسى، ازاتتىعىمىزدىڭ ايشىقتى ايعاعى، قۇندىلىقتاردى ۇلىقتاعان ەلدىگىمىزدىڭ كيەلى كىتابىنا اينالعان قاستەرلى قۇجات. قاسىم حاننىڭ قاسقا جولىنان، ەسىم حاننىڭ ەسكى جولىنان، ءاز تاۋكەنىڭ «جەتى جارعىسىنان» باستاۋ الىپ، جالپى دەموكراتيالىق پرينتسيپتەرگە نەگىزدەلگەن اتا زاڭىمىزعا بيىل 23 جىل تولىپ وتىر. سىزدەردى الدا كەلە جاتقان قازاقستان رەسپۋبليكاسى كونستيتۋتسياسى كۇنىمەن قۇتتىقتايمىن» ، - دەدى ق ر كونستيتۋتسيالىق كەڭەسىنىڭ ءتوراعاسى قايرات ءمامي.
ايتا كەتەيىك، بايقاۋ جوعارى بىلىكتى زاڭگەرلەردىڭ قوعامنىڭ جانە مەملەكەتتىڭ الدىنداعى ەڭبەگىن مويىنداۋ، قازاقستاننىڭ قۇقىقتىق سالاداعى بەدەلدى ماماندارىنىڭ پۋلىن قالىپتاستىرۋ ماقساتىندا ۇيىمداستىرىلدى.
بايقاۋعا جالپى 106 ءوتىنىم كەلىپ تۇسكەن. قاتىسۋشىلاردى ىرىكتەۋدى ق ر تۇڭعىش پرەزيدەنتى - ەلباسى قورى اتقارۋشى ديرەكتورىنىڭ ورىنباسارى يگور روگوۆتىڭ توراعالىعىمەن قازىلار القاسى جۇزەگە اسىردى.
ءوتىنىم بەرگەندەردىڭ اراسىندا سوتتار مەن پروكۋراتۋرالاردىڭ وكىلدەرى، كۆازيمەملەكەتتىك سەكتوردىڭ قىزمەتكەرلەرى، ورتالىق اتقارۋشى ورگاندار قۇرىلىمدارىنىڭ ماماندارى، ىشكى ىستەر بولىمدەرىنىڭ قىزمەتكەرلەرى، سوت ساراپشىلارى، ادۆوكاتتار مەن ج و و- لاردىڭ وقىتۋشى قۇرامى وكىلدەرى بار.
سونىمەن، «زاڭ شىعارۋشىلىق قىزمەتىنە قاتىسۋ» اتالىمىندا ءبىرىنشى ورىندى ساۋلە مەكتەپبايەۆا يەلەندى. «زاڭ عىلىمدارىنا قوسقان ۇلەسى ءۇشىن» اتالىمى بويىنشا مۋسليم حاسەنوۆ ۇزدىك دەپ تانىلسا، «قۇقىقتىق ءبىلىم بەرۋ جانە اعارتۋشىلىق» اتالىمىندا ميراس داۋلەنوۆ ءبىرىنشى ورىنعا لايىقتى بولدى.
بارلىق اتالىمدار بويىنشا ءبىرىنشى ورىننىڭ يەگەرلەرىنە «ۇزدىك جاس زاڭگەر-2018» اتاعى بەرىلىپ، 1 ميلليون تەڭگە سوماسىندا اقشالاي سىياقى تاپسىرىلدى.
