مينيستىر: مەن وقۋشىلاردىڭ بارلىق باعالارىن كورىپ وتىرامىن

استانا. قازاقپارات - ق ر ءبىلىم جانە عىلىم ءمينيسترى ەرلان ساعاديەۆ ءوزى باسقارىپ وتىرعان سالانى اۆتوماتتاندىرۋ شارالارى تۋرالى ايتىپ بەردى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، ءبىلىم سالاسىن سيفرلاندىرۋ ارقىلى ءبىراز اقشانى ۇنەمدەپ قانا قويماي، جەمقورلىق ارەكەتتەرىن دە ايتارلىقتاي ازايتۋعا بولادى. ماسەلەن، بۇگىندە رەسپۋبليكامىزدا بالاباقشا كەزەگى 50 پروتسەنكە اۆتوماتتى تۇردە جاسالادى. بۇدان بولەك، مەكتەپتەردە وقىتۋ جۇيەسىن بارىنشا اۆتوماتتاندىرۋ جۇمىسىنا باسىمدىق بەرىلىپ كەلەدى.

«وتكەن جىلى ءبىز وقۋشىلارعا قويىلعان 450 ميلليون باعانى ونلاين رەجيمدە تىركەدىك. دەمەك، مينيسترلىك ءاربىر باعانى كورىپ وتىر. ونى ەشكىم وزگەرتە المايدى. بۇدان بولەك، 8,5 ميلليونداي ءۇي جۇمىسى بەرىلدى. سوندا مەن ءوزىم ءاربىر ءۇي جۇمىسىن كابينەتىمدە وتىرىپ كورە الامىن»، - دەدى ە. ساعاديەۆ «استانا- ادالدىق الاڭى» جوباسى اياسىندا وتكەن جيىندا.

ونىڭ سوزىنە قاراعاندا، وسى سالاداعى جۇمىس جالعاسا بەرەدى. الداعى ەكى جىلدا بۋحالتەريا، كۇندەلىك جالپى بارلىق جۇيەلەردى اۆتوماتتى رەجيمگە اۋىستىرۋ جوسپارى بار.

«ءبىز ونىڭ ءبارىن ۇلكەن مالىمەتتەر بازاسىنا شىعارىپ قويامىز. وعان ەشكىم وزگەرىس ەنگىزە المايدى. ءبارى كورىنىپ تۇرادى. سوندا ءبىلىم سالاسىنداعى شارالار بارىنشا اشىق جۇرگىزىلەدى»، - دەپ اتاپ كورسەتتى ە. ساعاديەۆ.

ايتا كەتەيىك، بۇگىنگى جيىندا استانا اكىمى اسەت يسەكەشيەۆ بيۋدجەتتىك سالا قىزمەتكەرلەرىنە 1 ميلليون تەڭگە كولەمىندەگى تۇرعىن ءۇي كۋالىكتەرىنىڭ بەرىلەتىنىن مالىمدەدى. «قازىرگى كەزدە ءبىز قالا قىزمەتكەرلەرىنە ارنالعان جاڭا تۇرعىن ءۇي باعدارلاماسىن ازىرلەپ جاتىرمىز. ونى تۇرعىن ءۇي قۇرىلىس جيناق بانكى ارقىلى ىسكە اسىراتىن ويىمىز بار. تۇرعىن ءۇي كۋالىكتەرى ارقىلى ءبىز مۇعالىمدەر، دارىگەرلەر جانە تاعى باسقا مامانداردىڭ باسپانا ماسەلەسىن شەشۋدى كوزدەيمىز»، - دەپ اتاپ كورسەتتى ءا. يسەكەشيەۆ.

اۆتور: ارمان اسقاروۆ