14:07, 27 - تامىز 2018 | GMT +5
ەلباسى «سىربار» سىرتقى بارلاۋ قىزمەتىنىڭ باسشىسىن قابىلدادى
استانا. قازاقپارات - ەلباسى نۇرسۇلتان نازاربايەۆ قازاقستان رەسپۋبليكاسىنىڭ «سىربار» سىرتقى بارلاۋ قىزمەتىنىڭ ديرەكتورى عابيت بايجانوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
كەزدەسۋ بارىسىندا مەملەكەت باسشىسىنا سىرتقى بارلاۋ قىزمەتىنىڭ بيىلعى 6 ايدا اتقارعان جۇمىسىنىڭ نەگىزگى ناتيجەلەرى جانە بۇعان دەيىن بەرىلگەن تاپسىرمالاردىڭ ورىندالۋى جونىندە مالىمدەلدى.
نۇرسۇلتان نازاربايەۆ كورشى مەملەكەتتەرمەن دوستىق قاتىناستاردى ساقتاۋدىڭ ماڭىزدىلىعىن اتاپ ءوتتى.
«شەت ەلدەردىڭ ارناۋلى ورگاندارىنداعى ارىپتەستەرمەن تىعىز ىنتىماقتاستىقتا بولۋ قاجەت. تەرروريستىك يدەيالاردى ۇستاناتىنداردى، سونىڭ ىشىندە سيريادان ورالاتىنداردى ۇدايى باقىلاۋدا ۇستاۋ كەرەك. بۇل سىزدەر اتقاراتىن جۇمىستىڭ نەگىزگى باعىتى سانالادى»، - دەدى قازاقستان پرەزيدەنتى.
مەملەكەت باسشىسى كەزدەسۋ سوڭىندا ءبىرقاتار ناقتى تاپسىرما بەردى.
