قازاقستاننىڭ سىرتقى ىستەر مينيسترلىگىندە كىمدەر جۇمىس ىستەيدى
«سىرتقى ىستەر مينيسترلىگىنىڭ قىزمەتكەرلەرى مەن ديپلوماتيالىق قىزمەت جۇمىسكەرلەرىنىڭ ءبارى دە - حالىقتىڭ كوز الدىندا. ولاردىڭ جۇمىسى عانا ەمەس، جەكە ءومىرى دە سولاي. جەمقورلىق كورىنىستەرىنە توزىمدىلىك تانىتپاۋ ساياساتى قاتاڭ ساقتالادى. مەملەكەتتىك قىزمەتشىلەردىڭ ەتيكادان تىس ارەكەتتەرى ۇنەمى باقىلاۋدا بولادى. بارلىق اپپاراتتىق كەڭەستەر مەن كەزدەسۋلەردە سىرتقى ىستەر ءمينيسترى وسىنى قىزمەتكەرلەردىڭ ەسىنە سالىپ، اتالمىش ماسەلەگە ەرەكشە نازار اۋدارادى»، - دەدى تالعات جۇماعۇلوۆ ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرىمەن كەزدەسۋ بارىسىندا.
ونىڭ ايتۋىنشا، س ءى م قىزمەتكەرلەرىنىڭ ءبارى دە - زيالى جانە ءتارتىپتى ادامدار.
«ولار ەڭبەك نارىعىندا باسەكەگە وتە قابىلەتتى. ايلىقتارىنا كوڭىلى تولماعاندار ترانسۇلتتىق كومپانيالار مەن حالىقارالىق ۇيىمداردا ەڭبەك اتقارۋعا كەتىپ قالادى. تاجىريبە، ءتىل مەڭگەرۋ جانە ءبىلىم ولاردى باسەكەگە اسا قابىلەتتى ماماندار رەتىندە شىڭدايدى. مۇندا (س ءى م- دە - اۆت. ) قىزمەتكەرلەر ساياسي جۇمىستارمەن اينالىسادى. ءبىز اقشامەن نەمەسە وزگە جەمقورلىققا قاتىستى فاكتورلارمەن وتە سيرەك بەتپە-بەت كەلەمىز. ءبىزدى ءاردايىم باقىلاۋدا ۇستايتىن ىشكى اۋديت قىزمەتى بار. تەكسەرۋ قورىتىندىسى تۇراقتى تۇردە جاريالانىپ تۇرادى»، - دەدى تالعات جۇماعۇلوۆ.
ول ءوز سوزىندە س ءى م-دەگى ماماندار ءار ۋاقىتتا سىرتقى ساياسي ۆەدومستۆونىڭ جوعارى تالاپتارىنا ساي كەلۋگە تىرىساتىنىن ەرەكشە اتاپ ءوتتى.
«ءبىزدى ەسەپ كوميتەتى تەكسەرەدى. ءاردايىم كوپتىڭ نازارىندا جۇرەمىز. قاعازعا قول قويا وتىرىپ، كۇنى ەرتەڭ ونىمىز تەكسەرىلەتىنىن دە بىلەمىز. سوندىقتان، بارلىق ستاندارتتارعا، تالاپتارعا ساي بولىپ، سىزدەرمەن دە ىنتىماقتاسا جۇمىس جۇرگىزۋگە ءازىرمىز»، - دەپ ءتۇيدى ق ر س ءى م وكىلى.
