استانادا دارىگەرلەرگە ارنالعان جاتاقحانالار سالىنادى

استانا. قازاقپارات - استانادا مەديتسينا قىزمەتكەرلەرى ءۇشىن ءۇش جاتاقحانا سالۋ جوسپارلانىپ وتىر، سونىمەن قاتار، سالالىق دارىگەرلەر تۇرعىن ۇيمەن قامتاماسىز ەتىلەدى، دەپ حابارلايدى قازاقپارات ەلوردا ينفوعا سىلتەمە جاساپ.

 «استانا قالاسىنىڭ قوعامدىق دەنساۋلىق ساقتاۋ باسقارماسى سالالىق مەديتسينا ماماندارىنا تۇرعىن ءۇي بەرۋدى جوسپارلاپ وتىر. ءبىز قىزمەتكەرلەردىڭ تاپشىلىعىن ازايتۋ ءۇشىن تۇرعىن ءۇي ماسەلەسىن، سونداي- اق  1500 ورىنعا ارنالعان ءۇش جاتاقحانا سالۋدى جوسپارلاۋدامىز»، - دەپ حابارلايدى باسقارما.

ۆەدومستۆونىڭ اقپاراتىنا سايكەس، 2018 -جىلدىڭ 1- شىلدەسىنە دەيىن مەديتسينالىق ۇيىمدار باسقارماسىنىڭ قاراماعىندا 37 مەديتسينالىق ۇيىم، ونىڭ ىشىندە  11031 مەديتسينا قىزمەتكەرى، سونىڭ ىشىندە  3945 دارىگەر جانە  7086 ورتا مەديتسينا قىزمەتكەرى جۇمىس ىستەيدى.

قالالىق ەمحانالاردا اكۋشەر- گينەكولوگ، انەستەزيولوگ- رەانيماتولوگ، نيەۆروپاتولوگ، لابورانت، وفتالمولوگ، وتورينولارينگولوگ، كارديولوگ، ەندوكرينولوگ، رەنتگەنولوگ، رەانيماتولوگ، پۋلمونولوگ جانە تاعى باسقا ماماندار تاپشى.

«مەديتسينالىق قىزمەتتەردىڭ ساپاسىن جاقسارتۋدىڭ ماڭىزدى جولدارىنىڭ ءبىرى - كادرلاردىڭ تاپشىلىعىن ازايتۋ، مەديتسينا قىزمەتكەرلەرىنىڭ بىلىكتىلىگىن ارتتىرۋ جانە كۇندەلىكتى تاجىريبەگە حالىقارالىق ساپا ستاندارتتارىن ەنگىزۋ بولىپ تابىلادى» دەلىنگەن حابارلامادا.

اتالعان ماسەلەلەردى شەشۋ ءۇشىن استانا قالاسىنىڭ قوعامدىق دەنساۋلىق ساقتاۋ باسقارماسى ەلىمىزدەگى قۇزىرەتتى مەديتسينالىق ۋنيۆەرسيتەتتەر مەن «بولاشاق» حالىقارالىق باعدارلامالار ورتالىعىمەن مەموراندۋمدارعا قول قويدى.