مينيستر بيىلعى جىلعى كومىر تاپشىلىعىنا قاتىستى پىكىر ءبىلدىردى
بۇل 2017 -جىلدىڭ سايكەس كەزەڭىمەن سالىستىرعاندا 753,9 مىڭ تونناعا (%4,2) ارتىق. بۇل تۋرالى ق ر ينۆەستيتسيالار جانە دامۋ ءمينيسترى جەڭىس قاسىمبەك ۇكىمەت وتىرىسىندا جىلۋ بەرۋ ماۋسىمىنا قاتىستى جاساعان بايانداماسىندا ايتتى.
ءمينيستردىڭ ايتۋىنشا، تاسىمالدانعان 18,6 ميلليون توننا كومىردىڭ 2,8 ميلليون تونناسى كوممۋنالدىق- تۇرمىستىق قاجەتتىلىككە تيەسىلى. ول 2017 -جىلدىڭ سايكەس كەزەڭىمەن سالىستىرعاندا 600 مىڭ تونناعا ارتىق.
سونداي- اق، ءبىرقاتار وڭىرلەر كومىر جەتكىزۋدىڭ جوسپارلى كورسەتكىشتەرىن ورىنداماعان.
«17- تامىزداعى اكىمدىكتەردىڭ بەرگەن اقپاراتى بويىنشا كەيبىر وڭىرلەردە كومىردى جەتكىزۋ جوسپارلارى ورىندالماعانىن كورىپ وتىرمىز. مىسالى، جامبىل وبلىسىندا جىلۋ بەرۋ ماۋسىمىنان تامىز ايىنا دەيىن جوسپار بويىنشا 71 مىڭ توننا كومىر جەتكىزىلۋى كەرەك ەدى، ءىس جۇزىندە 24,7 مىڭ توننا عانا جەتكىزىلگەن. جوسپار% 34,8 عانا ورىندالعان. الماتى قالاسىندا جوسپار بويىنشا 23 مىڭ توننا، ءىس جۇزىندە 14 مىڭ توننا جەتكىزىلدى. جوسپار %61 عا ورىندالعان» ، - دەپ اتاپ ءوتتى جەڭىس قاسىمبەك.
جوسپارلى كورسەتكىشتەردى اسىرا ورىنداعان وڭىرلەر دە بار. كومىردى تيەۋ جوسپارىنىڭ ورىندالماۋىنا جۇك جونەلتۋشىلەردەن باس تارتۋ حاتتارىنىڭ ءتۇسۋى، جەكە- مەنشىك ۆاگونداردىڭ ۋاقتىلى كەلمەۋى جانە ءتيىستى كولەمدەگى كومىردىڭ تيەلمەۋى سەبەپ بولدى. وسىعان بايلانىستى، مينيسترلىك «قازاقستان تەمىر جولى» اكتسيونەرلىك قوعامىمەن بىرلەسە وتىرىپ، ىشكى بايلانىستى كومىر تيەۋمەن قامتاماسىز ەتۋ بويىنشا جۇمىس جۇرگىزىپ جاتىر.
«جالپى رەسپۋبليكاىشىلىك قاتىناستا كومىر تيەۋ %91 ورىندالدى. بۇگىنگى كۇنى تاسىمالداۋعا «قازاقستان تەمىر جولى» اكتسيونەرلىك قوعامى پاركىنىڭ شامامەن 9 مىڭ ۆاگونى جۇمىلدىرىلعان. تاسىمالداۋ كولەمى ۇلعايىپ، قوسىمشا ۆاگون كەرەك بولسا باسقا تەمىرجول اكىمشىلىكتەرىنەن 1000 ۆاگون تارتىلاتىن بولادى» ، - دەپ حابارلادى مينيستر.
تۇرعىن ءۇي- كوممۋنالدىق شارۋاشىلىق نىساندارىنىڭ جىلۋ بەرۋ ماۋسىمىنا دايىندىق بارىسىن سارالايتىن بولساق، 232 10ءبىلىم بەرۋ نىسانى نەمەسە %94 ى دايىندالدى. 298 6 دەنساۋلىق ساقتاۋ نىسانىن دايىنداۋ جوسپارلانعان بولاتىن. قازىر 5 971 نىسان نەمەسە %95 دايىندالدى. جوندەۋگە جوسپارلانعان 45503 تۇرعىن ءۇيدىڭ 551 35 نەمەسە %79 جوندەلدى.
«اكىمدىكتەر 10558 اۆتونومدىق قازاندىقتى جوندەۋدى جوسپارلاعان بولاتىن. قازىرگى ۋاقىتتا 9 521 (91%) قازاندىق دايىن. جوسپارلانعان 2194 ك م جىلۋ جەلىلەرىنىڭ قازىرگى ۋاقىتتا 1894 كيلومەترى نەمەسە %87 جوندەلدى» ، - دەدى مينيستر.
اۆتونومدى قازاندىقتارعا الداعى جىلۋ بەرۋ ماۋسىمىنا وتىننىڭ قاجەتتىلىگى 1852 مىڭ توننا كومىر جانە 168 مىڭ توننا مازۋت. بۇگىنگى تاڭدا دايىندالعانى 1255 مىڭ توننا كومىر % 68 ) جانە 80,7 مىڭ توننا مازۋت (نەمەسە %48) .
Baq.kz
