ق ر پرەزيدەنتى قونىس اۋدارعاندارعا ارنالعان ۇيلەردىڭ قۇرىلىسىمەن تانىستى

پەتروپاۆل. قازاقپارات - ەلباسى سولتۇستىك قازاقستان وبلىسى يليچيەۆكا اۋىلىنداعى تۇرعىن ءۇي قۇرىلىسىمەن تانىستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

مەملەكەت باسشىسى قازاقستاننىڭ باسقا وڭىرلەرىنەن قونىس اۋدارعاندارعا ارنالعان 14 تۇرعىن ءۇيدىڭ قۇرىلىسىمەن تانىستى.

نۇرسۇلتان نازاربايەۆ كوشىپ كەلگەن وتباسىلارمەن اڭگىمەلەسۋ بارىسىندا قونىس اۋدارعان تۇرعىندارعا مەملەكەت تاراپىنان بارلىق جاعداي جاسالىپ جاتقانىن اتاپ ءوتىپ، ءوزىنىڭ دە ءومىر جولى تۋرالى ايتىپ بەردى.

«مەنىڭ الماتى قالاسىنىڭ ماڭىندا دۇنيەگە كەلگەنىمدى بىلەسىزدەر. 17 جاسىمدا تۋعان ولكەمنەن كەتتىم. وسىنداي شەشىم قابىلداپ، مەن ءتۇرلى وڭىردە ەڭبەك جولىنان ءوتتىم. كەزدەسكەن قيىندىقتاردى جەڭىپ، بۇگىنگىدەي دارەجەگە جەتىپ وتىرمىن. سىزدەر مۇنى بالالارىڭىزدىڭ بولاشاعى ءۇشىن جاساپ جاتىرسىزدار»، - دەدى قازاقستان پرەزيدەنتى.

سوڭىندا ەلباسى اۋىلدىڭ جاڭا تۇرعىندارىنا زور دەنساۋلىق، تابىس، باق- بەرەكە تىلەدى.

جالپى 2018 -جىلى سولتۇستىك قازاقستان وبلىسىنا 900 ادامنان تۇراتىن 235 وتباسى كوشىپ كەلگەن. بارلىعى جالدامالى پاتەرمەن قامتاماسىز ەتىلىپ، جۇمىسقا ورنالاستىرىلدى. ولاردىڭ كوشىپ كەلۋىنە جانە شىعىندارىن وتەۋ ءۇشىن 1 ميلليارد تەڭگەدەن استام سۋبسيديا ءبولىندى.