باس پروكۋراتۋرا قىزمەتكەرلەرىن عيماراتقا كەلبەتتى انىقتايتىن باعدارلاما كىرگىزەدى
قازاقستاندىق جاس ازىرلەۋشى ءمۇسلىم ەرتۋعاننىڭ ايتۋىنشا ءاربىر ادامنىڭ ەشكىمگە ۇقسامايتىن 128 وزىنە ءتان بەت الپەتتى تانۋ نۇكتەلەرى بار. جاس IT ماماننىڭ جاساپ شىعارعان باعدارلاماسى سول جۇيەگە سايكەس جاسالعان. جاڭا جۇيەنى ازىرلەۋگە 1 ايعا جۋىق ۋاقىت جۇمسالعان.
«باعدارلاما بۇگىندە ازىرلەنۋ ۇستىندە، بۇل تەكتەس جوبالار الەمدە بۇرىننان بار. قىتايدا وتە جاقسى دامىعان. قىتاي پوليتسەيلەرىندە بەينەباقىلاۋ ورناتىلعان كوزىلدىرىك بار، ول ارقىلى كوپ ادامنىڭ ىشىنەن قىلمىسكەردىڭ بەت الپەتىن تانىپ انىقتاۋعا بولادى. ءبىزدىڭ باعدارلاما باس پروكۋراتۋرانىڭ قىزمەتكەرلەرى ءۇشىن ازىرلەنۋدە، ياعني جۇمىسقا كەلگەندە وتكىزۋ (كىرگىزۋ) جۇيەسى، قازىر ولاردا ID كارتا قولدانىلادى. ءبىزدىڭ جاڭا جۇيە ارقىلى قىزمەتكەرلەر ەشقانداي كارتا نەمەسە باسقا دا رۇقساتناماسىز كىرە بەرەدى. بۇل ءبىر جاعىنان جالپى قاۋىپسىزدىك ءۇشىن، ەكىنشى جاعىنان ءار قىزمەتكەردىڭ وزىندىك جەكە جۇيەسى بولادى» ، - دەدى Method PRO باعدارلاماسى بويىنشا ۇزدىك IT جوبالار ازىرلەۋشى اتانعان ءمۇسلىم ەرتۋعان.
ايتا كەتەيىك، بۇعان دەيىن ەلوردادا ەلىمىز بەن شەتەلدەردەن قاتىسقان جاس IT مامانداردىڭ ۇزدىك جوبالارىنىڭ تانىستىرىلىمى وتكەنىن جازعان بولاتىنبىز.
