نۇرلان ەرمەكبايەۆ قورعانىس ءمينيسترى بولىپ تاعايىندالدى

استانا. قازاقپارات - مەملەكەت باسشىسىنىڭ جارلىعىمەن نۇرلان بايۇزاق ۇلى ەرمەكبايەۆ قازاقستان رەسپۋبليكاسىنىڭ قورعانىس ءمينيسترى بولىپ تاعايىندالدى،

دەپ حابارلايدى اقوردانىڭ Twitter- دەگى پاراقشاسىندا.

نۇرلان ەرمەكبايەۆ 1963 -جىلى تۋعان.

1986 - جىلى ك س ر و قورعانىس مينيسترلىگىنىڭ ماسكەۋدەگى اسكەري قىزىل تۋ ينستيتۋتىنىڭ شىعىس تىلدەرى فاكۋلتەتىن ءتامامداعان. 1996 -جىلى قازاق مەملەكەتتىك ساۋلەت- قۇرىلىس اكادەمياسىنىڭ ەكونوميكا فاكۋلتەتىن بىتىرگەن. ورىس، قىتاي، اعىلشىن جانە پورتۋگال تىلدەرىن مەڭگەرگەن. ساياسي عىلىمدار كانديداتى.

1984 -جىلدان باستاپ 1985 -جىلعا دەيىن - انگولا حالىق رەسپۋبليكاسىندا قىزمەتتىك ءىسساپاردا بولدى.

1986 -جىلدان باستاپ 1990 -جىلعا دەيىن - ك س ر و قارۋلى كۇشتەرى باس شتابى جۇيەسىندەگى بولىمدەردە قىزمەت ەتتى.

1990 -جىلدارى ك س ر و  ق ك قاتارىنان بوساتىلعان سوڭ سىرتقى ەكونوميكالىق كومپانيالاردى باسقارعان.

1993 -جىلدان باستاپ 1995 -جىلعا دەيىن - قازاقستان رەسپۋبليكاسىنىڭ قىتاي حالىق رەسپۋبليكاسىنداعى ساۋدا وكىلدىگىنىڭ اعا ساراپشىسى. 1996 -جىلدان باستاپ 1997 -جىلعا دەيىن - الماتى ساۋدا- قارجى بانكى باسقارما ءتوراعاسىنىڭ كەڭەسشىسى.

 1999 -جىلدان باستاپ 2001 -جىلعا دەيىن - «قازاقستاننىڭ حالىق بانكى» ا ا ق- نىڭ قىتاي حالىق رەسپۋبليكاسىنداعى وكىلدىگىنىڭ باسشىسى.

2001 -جىلدان باستاپ 2003 -جىلعا دەيىن - قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىلىگىنىڭ كەڭەسشىسى. 2003 -جىلدان باستاپ 2004 -جىلعا دەيىن - قازاقستان رەسپۋبليكاسىنىڭ سينگاپۋرداعى ۋاقىتشا سەنىمدى وكىلى (ديپميسسيا باسشىسى).

2004 -جىلدان باستاپ 2006 -جىلعا دەيىن - قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى. 2006 -جىلدان باستاپ 2007 -جىلعا دەيىن - قازاقستان رەسپۋبليكاسى پرەزيدەنتىنىڭ كەڭەسشىسى - قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى.

2007 -جىلدان باستاپ 2010 -جىلعا دەيىن - قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى. 2010 -جىلدان باستاپ 2012 -جىلعا دەيىن - قازاقستان رەسپۋبليكاسى پرەزيدەنتىنىڭ كومەكشىسى.

2012 -جىلدان باستاپ 2014 -جىلعا دەيىن - قازاقستان رەسپۋبليكاسىنىڭ قىتاي حالىق رەسپۋبليكاسىنداعى توتەنشە جانە وكىلەتتى ەلشىسى. 2012 -جىلدان باستاپ 2013 -جىلعا دەيىن - قازاقستان رەسپۋبليكاسىنىڭ ۆەتنام سوتسياليستىك رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى. 2012 -جىلدان باستاپ 2014 -جىلعا دەيىن - قازاقستان رەسپۋبليكاسىنىڭ كورەيا حالىقتىق دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى. 2014 -جىلدان باستاپ 2016 -جىلعا دەيىن - پرەزيدەنتتىڭ كومەكشىسى - قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.

2016 -جىلدىڭ قىركۇيەگىنەن 2018 -جىلدىڭ ءساۋىر ايىنا دەيىن قازاقستان رەسپۋبليكاسى ءدىن ىستەرى جانە ازاماتتىق قوعام ءمينيسترى.

 2018 -جىلعى 4 - ساۋىردەگى ەلباسى جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى بولىپ تاعايىندالعان ەدى.