ب ع م: گرانت يەگەرلەرىنىڭ ءتىزىمى ەلەكتروندى تۇردە ۇسىنىلادى

استانا. قازاقپارات - ج و و ءبىلىم بەرۋ گرانتتارىن تاعايىنداۋ بويىنشا رەسپۋبليكالىق كونكۋرستىق كوميسسيا ءوز جۇمىسىن اياقتادى، دەپ حابارلايدى قازاقپارات ءتىلشىسى.

«قۇرمەتتى تالاپكەرلەر مەن اتا-انالار! ج و و ءبىلىم بەرۋ گرانتتارىن تاعايىنداۋ بويىنشا رەسپۋبليكالىق كونكۋرستىق كوميسسيا ءوز جۇمىسىن 5- تامىز كۇنى اياقتايدى. وتىرىستار قورىتىندىسى بويىنشا ءبىلىم بەرۋ گرانتتارى يەگەرلەرىنىڭ تولىق ءتىزىمى 6- تامىز كۇنى ساعات 10:00 دە جاريالاناتىن بولادى»، - دەلىنگەن ق ر ب ع م- نىڭ فەيسبۋكتەگى پاراقشاسىندا.

گرانت يەگەرلەرىنىڭ ءتىزىمى كەلەسى سىلتەمەلەر بويىنشا قولجەتىمدى بولادى: egemen.kz, kazpravda.kz, testcenter.kz سايتتارىندا نەمەسە @testcenterBot تەلەگرام بوتى.

باسپا ءسوز قىزمەتىنىڭ مالىمەتىنشە، ءبىلىم بەرۋ گرانتتارى يەگەرلەرىنىڭ ءتىزىمى بيىل ەلەكتروندى تۇردە جاريالانادى. ءتىزىمدى جوعارىدا كورسەتىلگەن سىلتەمەلەر بويىنشا ءوتىپ، تانىسۋعا بولادى.