قىرىق جاسقا دەيىنگى قازاقستاندىقتار اسكەري جيىننان وتەدى
اسكەري بولىمشەلەردە ولار قارۋلى كۇشتەردىڭ سوعىس جانە موبيليزاتسيالىق دايىندىعىن ارتتىرۋ ءۇشىن اسكەري بىلىمدەرىن جەتىلدىرەدى.
جيىنعا شاقىرىلعان اسكەري مىندەتتىلەردىڭ، جيىن مەن وعان كەلۋ- كەتۋگە جۇمسالعان ۋاقىتىن قوسا ەسەپتەگەندە، جۇمىس ورنى، لاۋازىمى ساقتالادى، رەسپۋبليكالىق بيۋدجەتتىڭ قاراجاتتارى ەسەبىنەن ورتاشا ايلىق جالاقىسى تولەنەدى. جيىنعا شاقىرىلعانداردىڭ بارلىعى تاماق جانە زاتتاي مەنشىكتەرمەن قامتاماسىز ەتىلەدى.
جيىننىڭ سوڭىندا ولار اسكەري- ەسەپتىك ماماندىقتار مەن لاۋازىمدارعا سايكەس، جيىنداردىڭ وقۋ باعدارلاماسىن مەڭگەرگەنىن دالەلدەۋ ءۇشىن ەمتيحان تاپسىرادى. جيىن قاتىسۋشىلارىنىڭ اراسىندا وفيتسەرلەر، سەرجانتتار، جانە زاپاستاعى اسكەري قىزمەتشىلەر بار. جيىندار اسكەري مىندەتتىلەردى قايتا دايارلاۋ جانە ولاردىڭ اسكەري بىلىمدەرىن جەتىلدىرۋ ماقساتىندا وتكىزىلمەك.
