قازاقستان الەم بويىنشا العاش رەت ءبىر ادامنىڭ جۇرەگىن ەكى رەت اۋىستىردى

استانا. قازاقپارات - بىلتىر 60 جاستاعى قۇنانباي ابىرايەۆقا الدىمەن تولىعىمەن جاساندى جۇرەك سالىندى. اراعا توعىز اي سالىپ، دونور تابىلدى.
None
None

پاتسيەنتتىڭ ءوزى دە دونورلىق جۇرەككە دايىن بولىپ شىقتى. وسىلايشا، ۇلتتىق عىلىمي كارديوحيرۋرگيا ورتالىعىنىڭ ماماندارى الەم بويىنشا العاش رەت ءبىر ادامعا الدىمەن جاساندى جۇرەكتى سالدى، ارتىنان ونى دونورلىق جۇرەكپەن اۋىستىردى، دەپ حابارلايدى قازاقپارات ءتىلشىسى.

«توعىز اي بۇرىن ول دونورلىق جۇرەككە دايىن بولمادى. سەبەبى باۋىر، وكپە جانە تاعى باسقا ورگاندارىنىڭ فۋنكتسياسى ناشارلاپ كەتتى. ال جاساندى جۇرەكتى سالعاننان كەيىن جاعدايى جاقساردى، وكپە ارتەرياسىنداعى قان قىسىمى دا قالپىنا كەلدى. وسىندايدا دونورلىق جۇرەكتى سالۋعا بولادى. ءسويتىپ، ءۇش ايدان كەيىن پاتسيەنتتىڭ جاعدايى جاقسارعاننان كەيىن ءبىز دونورلىق جۇرەكتى ىزدەۋگە كىرىستىك»، - دەدى ورتالىق باسشىسى يۋري پيا.

Қазақстан әлем бойынша алÒ

ونىڭ ايتۋىنشا، جاساندى جۇرەكتى دونورلىق جۇرەكپەن الماستىرۋ وپەراتسياسى 12 ساعاتقا سوزىلدى. الەم بويىنشا العاش رەت جاسالعان وتانى شەتەلدەن 30 عا جۋىق دارىگەر كورۋگە كەلدى. قازىرگى كەزدە قۇنانباي ابىرايەۆتىڭ جاعدايى جاقسى. ءوز كۇشىمەن ءجۇرىپ، تۇرادى. تەلەديدار كورىپ جاتادى. ال دونورلىق جۇرەكتى ءبىر جاس جىگىتتىڭ تۋعان- تۋىستارى بەرۋگە كەلىستى. ول قايتىس بولعاننان كەيىن ونىڭ ءبىر ەمەس، بىرنەشە اعزاسىن ناۋقاس ادامدارعا تاراتىپ بەردى.

Қазақстан әлем бойынша алÒ

«ءبىز ول جىگىتتىڭ اتا-اناسىنا مىڭ العىس ايتامىز. ولار جۇرەكتى عانا ەمەس، بۇيرەكتى دە، باۋىردى دا بەرۋگە كەلىستى. وسىلايشا، ءبىر ادام، كەم دەگەندە، ءتورت ادامنىڭ ءومىرىن ساقتاپ قالدى»، - دەپ اتاپ كورسەتتى ورتالىق باسشىسىنىڭ ورىنباسارى ماحاببات بەكبوسىنوۆا.

Қазақстан әлем бойынша алÒ

ايتا كەتەيىك، وتكەن جىلى قاراشا ايىندا ۇلتتىق عىلىمي كارديوحيرۋرگيا ورتالىعى 60 جاستاعى ەر ادامعا جاساندى جۇرەك يمپلانتانتسياسىن جاساعان بولاتىن. جاساندى جۇرەك - «Carmat SA» اتتى فرانسۋز كومپانياسىنىڭ ءونىمى. ونىڭ قازىرگى باعاسى - 1 ميلليون ەۋرو. مەملەكەت تە، ورتالىق تا وعان اقشا جۇمساعان جوق. فرانسۋز كومپانياسى ءوز اپپاراتىن سىناقتان وتكىزىپ جاتىر. سول سەبەپتى ءبارىن تەگىن بەردى. سول جولى ورتالىق باسشىلىعى جاساندى جۇرەك يەسى - قۇنانباي ابىرايەۆپەن كەزدەسۋگە رۇقسات بەردى. اعامىز قۋانىشىن جاسىرا الماي، كوز جاسىنا دا ەرىك بەردى.



«مەن قاتتى اۋىردىم. مىنا جاققا كەلگەندە جۇرە المادىم، ارباعا وتىرعىزىپ اكەلدى. قازىر ءبارى دۇرىس... ءوزىمدى جاقسى سەزىنەمىن. يۋري پيا مەنىڭ ەكىنشى اكەم سياقتى. ورتالىق باسشىلىعىنا مىڭ العىس... 60 جاستان كەيىن ءوزىمدى وسىلاي سەزىنەمىن دەپ ويلاعان جوقپىن»، - دەدى قۇنانباي اعا. وسى كەزدە جاساندى جۇرەك شيقىلداي باستادى. دارىگەرلەر وعان كوپ قوبالجۋعا بولمايتىنىن ايتىپ، پاتسيەنتتى پالاتاسىنا الىپ كەتتى.

اۆتور: ارمان اسقاروۆ

 

سوڭعى جاڭالىقتار