ۇلتتىق بانك يپوتەكالىق قارىز بويىنشا بانكتەرگە كوميسسيا الۋعا تىيىم سالدى
بۇل تۋرالى ق ر ۇلتتىق بانكىنىڭ فەيسبۋكتەگى پاراقشاسىندا جاريالاندى.
بۇل كوميسسيالار تىزبەسىن وڭتايلاندىرۋ ءۇشىن جانە قارىز الۋ جانە وعان قىزمەت كورسەتۋ كەزىندە قارىز الۋشىلاردىڭ شىعىستارىن قىسقارتۋ شەڭبەرىندە جاسالىپ وتىر.
ۇلتتىق بانكتىڭ باستاماسى بويىنشا 2018-جىلعى 16- شىلدەدەن باستاپ بانكتەر تۋرالى زاڭعا يپوتەكالىق قارىز بەرۋگە جانە وعان قىزمەت كورسەتۋگە بايلانىستى بانك شوتىن جۇرگىزگەنى ءۇشىن بانكتەردىڭ كوميسسيالار بەلگىلەۋىنە جانە الۋىنا تىيىم سالدى.
سونداي-اق زاڭنىڭ نورماسى قولدانىسقا ەنگىزىلگەننەن كەيىن 2018-جىلدىڭ 16- شىلدەسىنەن كەيىن جەكە تۇلعالارمەن جاساسقان يپوتەكالىق قارىز شارتتارى بويىنشا بانك شوتىنا قارىزدى ەسەپكە الۋعا تىيىم سالۋ ەنگىزىلدى.
«وسىنداي نورما قازىرگى كەزدە ق ر پارلامەنتى ءماجىلىسىنىڭ قاراۋىنداعى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەنشىك قۇقىعىن قورعاۋدى كۇشەيتۋ جانە تورەلىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا قامتىلعان.
كاسىپكەرلىك قىزمەتپەن بايلانىستى ەمەس بارلىق جەكە تۇلعالارعا قاتىستى قارىز بەرۋگە جانە وعان قىزمەت كورسەتۋگە بايلانىستى بانك شوتىن جۇرگىزگەنى ءۇشىن بانكتەر كوميسسيا المايدى»، - دەدى ۇلتتىق بانكتەن.
ۇلتتىق بانك 2016-جىلعى 30- مامىردا جىلدىق ءتيىمدى سىياقى مولشەرلەمەسىن ەسەپتەۋ كەزىندە ەسكەرىلەتىن، جەكە تۇلعاعا بەرىلگەن بانكتىك قارىز جانە ميكروكرەديت بەرۋگە جانە ولارعا قىزمەت كورسەتۋگە بايلانىستى كوميسسيالار مەن وزگە دە تولەمدەردىڭ تىزبەسىن بەكىتكەن بولاتىن.
كوميسسيالار تىزبەسى بانكتەر ءوندىرىپ الاتىن كوميسسيالار سانىن ايتارلىقتاي قىسقارتۋعا جانە ولاردى اتاۋلارى مەن ماعىنالىق ماندەرى بويىنشا بىرەگەيلەندىرۋگە مۇمكىندىك بەردى.
اتالعان تىزبەك 2016-جىلدىڭ 1- شىلدەسىنەن باستاپ قولدانىسقا ەنگىزىلگەن بولاتىن.
بۇل رەتتە، جەكە تۇلعالارمەن 2016-جىلعى 1- شىلدەگە دەيىن جاسالعان بانكتىك قارىز شارتتارى بويىنشا بانكتەر، بانكتەر تۋرالى زاڭنىڭ 39-بابىنا سايكەس، بانكتىك قارىز شارتىندا كورسەتىلگەن جانە وپەراتسيالار جۇرگىزۋدىڭ جالپى تالاپتارى تۋرالى قاعيدالاردا بەلگىلەنگەن كوميسسيالاردى الۋعا قۇقىلى.
