نۇرسۇلتان نازاربايەۆ بيلىكتىڭ ءمانىن ءتۇسىندىردى

استانا. قازاقپارات - ق ر پرەزيدەنتىنىڭ تەلەراديوكەشەنى مەملەكەت باسشىسى نۇرسۇلتان نازاربايەۆتىڭ سۇحباتىنان ءۇزىندىنى جاريالادى.

ۆيدەودا ەلباسى «بيلىك» دەگەن ءسوزدىڭ ءمانىن ءتۇسىندىردى، دەپ حابارلايدى قازاقپارات.

«ءبىر سوزبەن جاۋاپ بەرۋ قيىن دەپ ويلايمىن. ماعان دەيىن دە كوپتەگەن دانىشپاندار بۇل سۇراققا جاۋاپ بەرگەن. بيلىك دەگەنىمىز نە؟ بيلىك - ول جاۋىزدىق دەيدى. اقشا دا ادامعا باقىت اكەلمەيدى. سوندىقتان وسى كەدەرگىنىڭ بارىنەن ارىلىپ، قاراپايىم ادام بولىپ ءومىر ءسۇرۋ كەرەك. باقىت دەگەن - وسى. ءبىراق ءبىز، باسشى بولۋ، بيلىك ەتۋ ماڭدايىنا جازىلعاندار، باسقاشا پىكىرلەۋگە ءتيىسپىز. سوندىقتان، مەن بىرنەشە قىرىنان قاراعان بولار ەدىم. بيلىك - ول ەڭ الدىمەن جاۋاپكەرشىلىك. لاۋازىمىڭ نەعۇرلىم جوعارىلاعان سايىن جاۋاپكەرشىلىك تە سوعۇرلىم ارتا تۇسپەك»، - دەيدى مەملەكەت باسشىسى.