قازاقستاندىقتار جوعارى وقۋ ورىندارىنا ءبىلىم گرانتتارىن بولگەندە باقىلاۋشى بولا الادى
بۇل شارانى «قوعامدىق باقىلاۋ كارتاسى» جوباسىن جۇزەگە اسىرۋ اياسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءبىلىم جانە عىلىم مينيسترلىگىمەن بىرلەسىپ ۇيىمداستىرۋدا، دەپ حابارلايدى قازاقپارات.
اگەنتتىك باسپا ءسوز قىزمەتىنىڭ حابارلاۋىنشا، ازاماتتاردىڭ تاۋەلسىز باقىلاۋشى رەتىندە قاتىسۋى ءۇشىن تانىمال مەسسەندجەرلەر مەن الەۋمەتتىك جەلىلەرى ارقىلى الدىن الا اگەنتتىكتىڭ اۋماقتىق دەپارتامەنتىنە ءوتىنىش بەرۋى قاجەت.
اگەنتتىك قوعامدىق باقىلاۋدى كۇشەيتۋدىڭ وسى سالاداعى سىبايلاس جەمقورلىقتى بولدىرماۋدىڭ ەڭ ءتيىمدى تەتىكتەرىنىڭ ءبىرى بولاتىنىنا سەنىمدى.
سونىمەن قاتار، تالاپكەرلەردىڭ الەۋەتتى جۇمىس بەرۋشىلەرى بولىپ تابىلاتىن بيزنەس قۇرىلىمدارى وكىلدەرىنىڭ كونكۋرستىق كوميسسيالارعا قاتىسۋى وتە ماڭىزدى.
ءار اۋداندا جانە وبلىستا قۇرىلعان اگەنتتىكتىڭ ارنايى باقىلاۋ توپتارىنىڭ مۇشەلەرى كونكۋرستىق پروتسەدۋرالارعا بەلسەندى قاتىسادى. وعان ءتۇرلى سالالارداعى ساراپشىلار كىرەدى.
