تۇركىستاندا شۇبات پەن قىمىز وندىرەتىن زاۋىت ىسكە قوسىلادى
وڭىردەگى ءسۇتتى دايىنداۋ جونىندە اۋىل شارۋاشىلىق كووپەراتسيانى دامىتۋعا سەرپىن بەرەتىن زاۋىتتىڭ جالپى قۇنى 7 ميلليارد 456,5 ميلليون تەڭگەنى قۇرايدى.
بۇل جوبا ەلباسىنىڭ «100 ناقتى قادام» ۇلت جوسپارىنىڭ 60- قادامىندا ءسۇت جانە ءسۇت ونىمدەرى ءوندىرىسىن دامىتۋ ءۇشىن ستراتەگيالىق ينۆەستورلار تارتۋ مىندەتىن ىسكە اسىرۋ اياسىندا قولعا الىنعان بولاتىن. زاۋىت تولىق قۋاتتىلىعىنا ەنگەندە تاۋلىگىنە 100 توننا تۇيە جانە جىلقى ءسۇتىن قايتا وڭدەپ، ءونىمنىڭ ۇنتاعىن شىعاراتىن بولادى. جوبا بويىنشا العاشقى كەزەڭدە 170 ادام جۇمىسپەن قامتىلماق.
اكىمدىكتىڭ قولداۋىمەن اتالعان كاسىپورىنعا 5,5 گ ا جەر تەلىمى ءبولىنىپ، مەملەكەت ەسەبىنەن ينفراقۇرىلىم بويىنشا بارلىق جاعداي جاسالعان. الداعى ۋاقىتتا «Golden Cаmеl Group LTD» كومپانياسىنىڭ باسشىلىعى وسىندا تۇيە جانە جىلقى شارۋاشىلىعىمەن اينالىسۋدى دا كوزدەپ وتىر. قازاقستاندا تەڭدەسى جوق كاسىپورىن اعىمداعى جىلدىڭ جەلتوقسان ايىندا تولىق ىسكە قوسىلادى دەپ جوسپارلانۋدا.
اۆتور: اينۇر اقبايەۆا
