16:32, 24 - شىلدە 2018 | GMT +5
ەلباسى وزبەكستان پرەزيدەنتىن تۋعان كۇنىمەن قۇتتىقتادى
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ وزبەكستان رەسپۋبليكاسىنىڭ پرەزيدەنتى شاۆكات ميرزييەۆپەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
نۇرسۇلتان نازاربايەۆ شاۆكات ميرزييەۆتى تۋعان كۇنىمەن قۇتتىقتادى.
قازاقستان پرەزيدەنتى وزبەكستان پرەزيدەنتىنە زور دەنساۋلىق، باق- بەرەكە جانە جاڭا تابىستار تىلەدى.
مەملەكەتتەر باسشىلارى قازاقستان مەن وزبەكستان اراسىنداعى ەكى جاقتى ىنتىماقتاستىقتىڭ قارقىندى دامىپ كەلە جاتقانىن، سونداي- اق ورتالىق ازياداعى كووپەراتسيالىق بايلانىستاردىڭ كەڭەيە تۇسكەنىن ەرەكشە اتاپ ءوتتى.
فوتو: www.akorda.kz
