قازاقستاندىق اسكەري تىكۇشاق قىرعىزستانعا كومەككە اتتاندى

بىشكەك. قازاقپارات - قىرعىزستاننىڭ توتەنشە جاعدايلار مينيسترلىگى قازاقستاندىق ارىپتەستەرىنەن ىستىقكول وبلىسىندا تىكۇشاقتىڭ اپاتقا ۇشىراۋىنان زارداپ شەككەندەردى ەۆاكۋاتسيالاۋ ءۇشىن كومەك سۇرادى.

بۇل تۋرالى «قازاقپارات» ح ا ا- نىڭ مەنشىكتى تىلشىسىنە قىرعىز رەسپۋبليكاسى ت ج م داعدارىس جاعدايلارىن باسقارۋ ورتالىعىنىڭ باسشىسى مۇحاممەد سۆاروۆ ايتىپ بەردى.

«قازاقستان تاراپى سۇرانىستى قابىلدادى، كورشى رەسپۋبليكانىڭ ىشكى ىستەر مينيستىرلىگى تىكۇشاق جىبەردى. قۇتقارۋشىلار مىنگەن اسكەري تىكۇشاق كەلە جاتىر»، - دەدى م. سۆاروۆ.

ەسكە سالا كەتەيىك، اپاتقا ۇشىراعان م ي-8 تىكۇشاعىنىڭ بورتىندا 15 ادام، سونىڭ ىشىندە توعىز تۋريست بولعان. ولاردىڭ تورتەۋى زارداپ شەككەن. تىكۇشاق بۇگىن تاڭەرتەڭ شۇعىل قونۋعا ءماجبۇر بولىپ، كۇشتى جەل سالدارىنان اۋدارىلىپ كەتكەن بولاتىن.

فوتو: military-kz.ucoz.org