نازاربايەۆ ۋنيۆەرسيتەتىنىڭ تۇلەكتەرى قاي سالادا ەڭبەك ەتىپ ءجۇر
ونىڭ ايتۋىنشا، 2018 -جىلى بۇل وقۋ ورداسىن 811 تۇلەك ءبىتىرىپ شىعادى. ونىڭ ىشىندە 506 ستۋدەنت - باكالاۆر، 302 - ماگيستر جانە 3 ادام - PhD دوكتورى دارەجەسىن الماق.
«2017 -جىلى نازاربايەۆ ۋنيۆەرسيتەتىن 737 ادام بىتىرگەن ەدى، دەمەك بيىلعى تۇلەكتەر سانى 10 پروتسەنتكە ارتىپ وتىر. وتكەن جىلى پرەزيدەنت نازاربايەۆ 2025 -جىلعا قاراي ستۋدەنتتەر سانىن ەكى ەسەگە كوبەيتۋدى تاپسىرعان ەدى. بۇل تاپسىرما بويىنشا جۇمىستاردى باستاپ كەتتىك. قازىرگى ۋاقىتتا وقۋ ورنىن 750-800 تۇلەك ءبىتىرىپ شىقسا، 2025 -جىلعا قاراي باكالاۆرلار سانىن 2005- 5300-گە دەيىن وسىرەمىز. سونىمەن بىرگە، عىلىمي- زەرتتەۋ جۇمىسىن قارقىندى دامىپ جاتقاندىقتان، PhD دوكتورانتتارى سانىن ارتتىرۋدى كوزدەپ وتىرمىز»، - دەدى شيگەو كاتسۋ نازاربايەۆ ۋنيۆەرسيتەتىندە وتكەن باسپا ءسوز ءماسليحاتىندا.
سونداي- اق، ج و و باسشىسى اتالعان ماقساتتارعا قول جەتكىزۋ ءۇشىن قاجەتتى اۋديتوريالار مەن جاتاقحانا ورنىن كوبەيتۋ كەرەكتىگىن باسا ايتتى.
«بيىل ۋنيۆەرسيتەتىمىزدە تەك عانا عىلىمي زەرتحانالار ورنالاساتىن جاڭا عيمارات اشىلادى. بۇل جاڭا عيمارات تا 2025 -جىلعى جوسپاردى ورىنداۋعا ءوز سەپتىگىن تيگىزەدى»، - دەپ اتاپ ءوتتى ول.
ودان بولەك، شيگەو كاتسۋ تۇلەكتەردىڭ جۇمىسپەن قامتىلۋى تۋرالى جۋرناليستەر سۇراعىنا جاۋاپ بەردى.
«ن ۋ تۇلەكتەرىنە قازاقستاندا قالۋ مىندەتى قويىلمايدى. تۇلەكتەرىمىز ءوز ءبىلىمىن جالعاستىرۋ ءۇشىن شەتەلگە دە كەتىپ جاتىر. قازاقستاندا تابىستى ەڭبەك ەتىپ جۇرگەندەر بار. ولار كوبىنەسە قارجى سالاسىن، ءىرى كونسالتينگ كومپانيالاردى تاڭداعان. كوپشىلىگى ءوز بيزنەسىن اشىپ جاتىر، بۇل دا ءبىزدى قۋانتادى»، - دەپ جاۋاپ بەردى شيگەو كاتسۋ.
اۆتور: ايجان سەرىكجان قىزى
