16:29, 30 - مامىر 2018 | GMT +5
بايقوڭىر عارىش ايلاعىنىڭ مارتەبەسىن اۋىستىرۋ ءتيىمدى بولادى - مينيستر
استانا. قازاقپارات - قورعانىس جانە ايەروعارىش ونەركاسىبى ءمينيسترى بەيبىت اتامقۇلوۆ «بايقوڭىر» عارىش ايلاعىنىڭ مارتەبەسىن اسكەريدەن ازاماتتىققا اۋىستىرۋ ماسەلەسىنە پىكىر ءبىلدىردى، دەپ حابارلايدى قازاقپارات ءتىلشىسى.
«شىنىمەن دە «بايقوڭىر» عارىش ايلاعىنان اسكەريلەردى تولىقتاي شىعارۋ رەسەي فەدەراتسياسىندا قاراستىرىلىپ جاتىر. ازىرگە، اتالعان ماسەلە بويىنشا ناقتى ەكىجاقتى كەلىسسوزدەردى جۇرگىزگەن جوقپىز. الايدا بۇل باعىتتا ءتيىستى جۇمىستار اتقارىلىپ جاتىر»، - دەدى بەيبىت اتامقۇلوۆ ماجىلىستە تىلشىلەرگە بەرگەن جاۋابىندا.
ءمينيستردىڭ اتاپ وتۋىنشە، عارىش ايلاعىنىڭ مارتەبەسىن ازاماتتىق دەڭگەيگە اۋىستىرۋدىڭ وزىندىك وڭتايلى تۇستارى بار.
«سەبەبى اشىق كوممەرتسيالىق جوبالاردى تارتۋ مۇمكىندىگى اشىلادى. بۇگىندە كوممەرتسيالىق سالا الەمدە ايتارلىقتاي قىزىعۋشىلىق تۋدىرۋدا. بۇل تۇرعىدا اپپاراتتاردى ۇشىرۋعا قاجەتتىلىك بار. وتكەن جولى ايتقانىمداي، الەمدە 1000 نان استام سپۋتنيك ۇشىرۋ قىزمەتتەرىن كۇتىپ تۇر»، - دەپ ءتۇسىندىردى اتامقۇلوۆ.
اۆتور: رۋسلان عابباسوۆ
