شەتەلدەگى قازاقستان ازاماتتارىنىڭ قۇقىعى ءسوزسىز قورعالادى - قايرات ءابدىراحمانوۆ

 استانا. قازاقپارات - ق ر سىرتقى ىستەر ءمينيسترى قايرات ءابدىراحمانوۆ كونسۋلدىق ماسەلەلەر بويىنشا بەيجىڭدە وتكەن كەزەكتى قازاقستاندىق- قىتايلىق كونسۋلتاتسياعا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.
None
None

«شەتەلدەگى قازاقستان ازاماتتارىنىڭ مۇددەسىمەن بايلانىستى بارلىق جۇمىستار تەك قانا تۇراقتى نازاردا تۇرعان جوق. ءبىز كۇن سايىن وسى ماسەلەلەرمەن جۇمىس ىستەيمىز. ەگەر، ءبىزدىڭ ق ح ر- مەن ىنتىماقتاستىعىمىز جايىندا ءسوز بولسا، وندا كەلىسسوزدەر جۇرگىزۋگە ەش كەدەرگى جوق. كەلىسسوزدەردىڭ، ق ح ر- مەن ارادا قول جەتكىزىلگەن ۋاعدالاستىقتاردىڭ قورىتىندىسىندا تۇتقىندالعان 12 ازاماتىمىزدىڭ 9 ى بوساتىلدى. قالعان ءۇش ازاماتىمىزعا قاتىستى ءبىز تىڭعىلىقتى جۇمىستار جۇرگىزۋدەمىز» ، - دەدى قايرات ءابدىراحمانوۆ ۇكىمەت وتىرىسىنان كەيىن ب ا ق وكىلدەرىنە.

ءمينيستردىڭ ايتۋىنشا، ق ح ر- مەن بارلىق كەلىسسوزدەر سەرىكتەستىك رۋحىندا جۇرگىزىلۋدە.

«شەتەلدە جۇرگەن قازاقستاننىڭ بارلىق ازاماتىنىڭ قۇقىعى ءبىز ءۇشىن باسىمدىق. ءسوزسىز قورعالاتىن بولادى» ، - دەدى ول.

ەستەرىڭىزگە سالا كەتسەك، وتكەن اپتادا قازاقستان مەن قىتايدىڭ سىرتقى ساياسي ۆەدومستۆولارى كونسۋلدىق ماسەلەلەر تۋرالى كونسۋلتاتسيالار وتكىزىلدى.

«قازاقستاندىق تاراپ قىتايدان قازاقستانعا قونىس اۋدارعان جانە قازاقستان رەسپۋبليكاسىنىڭ ازاماتتىعىن العان ەتنيكالىق قازاقتاردىڭ جاعدايىنا قاتىستى ماسەلەنى قوزعادى. قىتايدا قوس ازاماتتىق ءۇشىن ۇستالعان ەتنيكالىق قازاقتاردىڭ ىستەرىن وبەكتيۆتى جانە ءادىل قاراۋ مەن ولاردى بوساتۋ تۋرالى تاباندى تىلەك ايتىلدى. قىتايدىڭ شىڭجاڭ- ۇيعىر اۆتونوميالىق ولكەسىندەگى ەتنيكالىق قازاقتاردىڭ ماسەلەلەرىن شەشۋدىڭ ورتاق امالىن ويلاستىرۋعا ۋاعدالاستى» ، - دەلىنگەن ق ر س ءى م باسپا ءسوز قىزمەتى تاراتقان اقپاراتتا.

سوڭعى جاڭالىقتار