قورعانىس مينيسترلىگى قازاقستان ارمياسىنىڭ يميدجىن قالاي ارتتىرىپ جاتىر

استانا. قازاقپارات - قازاقستان رەسپۋبليكاسىنىڭ قورعانىس مينيسترلىگى قازاقستان ارمياسىنىڭ يميدجىن ارتتىرۋ باعىتىندا قانداي جۇمىستاردى جۇرگىزۋدە؟ بۇل سۇراققا قورعانىس ءمينيسترى، گەنەرال- پولكوۆنيك ساكەن جاسۇزاقوۆتىڭ ماجىلىسمەن نۇرلان دۋلاتبەكوۆتىڭ دەپۋتاتتىق ساۋالىنا جولداعان جاۋابىندا جازىلعان،

 دەپ حابارلايدى قازاقپارات ءتىلشىسى.

«قازاقستان رەسپۋبليكاسى قارۋلى كۇشتەرىنىڭ اسكەري- پاتريوتتىق تاربيەلەۋگە، اسكەري قىزمەتتى تانىمال ەتۋ جانە ونىڭ مارتەبەسىن ارتتىرۋعا باعىتتالعان قىزمەتى قورعانىس مينيسترلىگىنىڭ رەسمي سايتىندا، رەسپۋبليكالىق جانە وڭىرلىك ب ا ق- تا، الەۋمەتتىك جەلىلەردە جانە تەلەديداردا جاريالانادى. اسكەري- پاتريوتتىق باعىتتاعى دەرەكتى فيلمدەردى، بەينەروليكتەردى، بەينەسيۋجەتتەردى ءتۇسىرۋ جۇرگىزىلەدى. سونىمەن قاتار، وسى باعىتتا «اقساۋىت»، «اسكەر. ك ز» («حابار 24» ) ارنايى باعدارلامالارى جۇمىس ىستەيدى. ولاردى اقپاراتتىق سۇيەمەلدەۋ ءىس جۇزىندە بار باعدارلامالار مەن جاڭالىقتار تەلەارنالارى شەڭبەرىندە جۇرگىزىلەدى»، - دەلىنگەن ءمينيستردىڭ جاۋابىندا.

ساكەن جاسۇزاقوۆتىڭ جاۋابىنا سايكەس، قارۋلى كۇشتەر وسكەلەڭ ۇرپاقتى اسكەري- پاتريوتتىق تاربيەلەۋگە قاتىستى وتكىزەتىن ءىس- شارالار اپتا سايىن قورعانىس مينيسترلىگىنىڭ «YouTube» رەسمي ارناسىندا جانە اپتالىق «سارباز» گازەتى مەن اي سايىنعى «ايبىن» جۋرنالىنىڭ بەتتەرىندە جاريالانادى.

مينيستر سونداي- اق جاۋاپتى ۆەدومستۆو ق ر  ق م اسكەري وقۋ ورىندارىنداعى وقۋ باعدارلامالارىندا اسكەري تاريحتى، ورتا عاسىر داۋىرىندەگى قازاقستان كوشپەندىلەرىنىڭ جانە ەۋرازيا ەلدەرىنىڭ جاڭا ۋاقىتتاعى اسكەري ونەرىنىڭ تاريحىن زەردەلەۋ كوزدەلگەنىن اتاپ ءوتتى.

«قازاقستان رەسپۋبليكاسى قارۋلى كۇشتەرى اسكەري- تاريحي مۋزەيىنىڭ قىزمەتكەرلەرى استانا قالاسىنىڭ وقۋشىلارىمەن جانە ستۋدەنتتەرىمەن اسكەري- تاريحي تاقىرىپتا جۇيەلى تۇردە پروفەسسور، ارحەولوگ ز. س. ساماشيەۆتىڭ «قولا جانە تەمىر داۋىرىندەگى اسكەري نىشاندار»، پروفەسسور ا. ق. كوشكىمبايەۆتىڭ «التىن وردا كەزەڭىندەگى اسكەري ونەر»، اسكەري ەتنوگراف، اسكەري سۋرەتشى ق. س. احمەتجانوۆتىڭ «قازاق قارۋ- جاراعىنىڭ ەتنوگرافياسى»، «قازاق حاندارى مەن باتىرلارىنىڭ سوعىس تاكتيكاسى» عىلىمي دارىستەرىن، سونداي- اق باسقا دا كورنەكتى عىلىم جانە قوعام قايراتكەرلەرىنىڭ دارىستەرىن وتكىزەدى»، - دەپ جاۋاپ بەرگەن ساكەن جاسۇزاقوۆ.

ەسكە سالا كەتسەك، پارلامەنت ءماجىلىسىنىڭ 2 -   مامىردا وتكەن وتىرىسىندا دەپۋتات نۇرلان دۋلاتبەكوۆ عالىمدار مەن ستۋدەنتتەرگە ارناپ، قازاق تاريحىنداعى باس قولباسشىلاردىڭ ەسىمىمەن اتاۋلى گرانتتاردى تاعايىنداۋدى سۇراعان بولاتىن. دەپۋتات سونداي- اق، قازاقستان ارمياسىنىڭ يميدجىن ارتتىرۋ باعىتىندا قانداي جۇمىستار جۇرگىزىلىپ جاتقانىن سۇراعان ايتقان ەدى.

اۆتور: ايان بەكەن ۇلى