قاسىم-جومارت توقايەۆ قىتاي ەلشىسىن قابىلدادى

استانا. قازاقپارات - پارلامەنت سەناتىنىڭ ءتوراعاسى قاسىم-جومارت توقايەۆ قازاقستانداعى ديپلوماتيالىق ميسسياسىنىڭ اياقتالۋىنا بايلانىستى ق ح ر ەلشىسى جان حانحۋەيدى قابىلدادى، دەپ حابارلايدى پارلامەنتى سەناتىنىڭ باسپا ءسوز قىزمەتى.
None
None

ق. توقايەۆ قازاقستان مەن ق ح ر اراسىنداعى ستراتەگيالىق ارىپتەستىكتى نىعايتۋداعى مەملەكەت باسشىلارى نۇرسۇلتان نازاربايەۆ پەن شي جينپيڭنىڭ ماڭىزدى ءرولىن اتاپ ءوتتى.

ق. توقايەۆ كەيىنگى جىلدارى ناتيجەلى ءارى قارقىندى سيپاتقا يە بولعان پارلامەنتارالىق بايلانىستاردى ەكىجاقتى قاتىناستاردىڭ ماڭىزدى قۇرامى رەتىندە اتادى.

پارلامەنتتىڭ جوعارعى پالاتاسىنىڭ باسشىسى ءۇنقاتىسۋدىڭ جالعاساتىنىنا سەنىم ءبىلدىردى جانە حالىق وكىلدەرىنىڭ بۇكىل قىتاي جينالىسى تۇراقتى كوميتەتىنىڭ ءتوراعاسى لي چجانشۋدى ءبىزدىڭ ەلىمىزگە ساپارمەن كەلۋگە شاقىردى.

سەنات ءتوراعاسى ساۋدا-ەكونوميكالىق بايلانىستاردى ودان ءارى نىعايتۋدىڭ جانە ونەركاسىپ، اقپارات تەحنولوگيالارى، قۇرىلىس سالالارىنداعى بىرلەسكەن جوبالاردى ىسكە اسىرۋدىڭ كەلەشەگىن جوعارى باعالادى.

ۇلتتىق «نۇرلى جول» جانە قىتايدىڭ «جىبەك جولى ەكونوميكالىق بەلدەۋى» باستاماسىنىڭ ۇيلەسىم تابۋى اياسىندا ەكى ەلدىڭ كولىك-ترانزيت الەۋەتىن پايدالانۋ اۋقىمدى مۇمكىندىكتەر تۋعىزادى.

ق. توقايەۆتىڭ پىكىرىنشە، ەكى ەل باسشىلارىنىڭ بيىلعى ماۋسىمدا ش ى ۇ اياسىنداعى سينداودا بولاتىن كەلىسسوزدەرىنىڭ ماڭىزى زور بولادى.

سوڭعى جاڭالىقتار