تىركەلمەگەن تەلەفوندارعا ۇيالى بايلانىس قوسىلمايدى - داۋرەن ابايەۆ

استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ كەلەسى جىلى تىركەلمەگەن تەلەفوندارعا ۇيالى بايلانىستىڭ قوسىلمايتىنىن تاعى ءبىر مارتە ەسكە سالدى، دەپ حابارلايدى قازاقپارات ءتىلشىسى.
None
None

ءمينيستردىڭ ايتۋىنشا، وسىدان ەكى جىل بۇرىن ۇيالى تەلەفونداردى تىركەۋدىڭ جاڭا ەرەجەلەرى قابىلدانعان بولاتىن. سودان بەرى ارنايى اقپاراتتىق جۇيە ازىرلەندى. ونى ىسكە اسىرۋدىڭ ارقاسىندا ۇيالى تەلەفونداردىڭ ۇرلىعىن ايتارلىقتاي ازايتۋعا بولادى. سەبەبى ىشكى ىستەر ورگاندارى ۇرلانعان تەلەفوندى IMEI- كود ارقىلى بىردەن بۇعاتتاي الادى.

«دەگەنمەن، IMEI- كودتىڭ كومەگىمەن تەلەفون يەسىن انىقتاۋ قيىن بولىپ تۇر. ال جاڭا نورمانى تولىققاندى ىسكە قوسۋ ءۇشىن IMEI- كودتى ادامنىڭ جەكە سايكەستەندىرۋ نومىرىمەن، سونداي-اق، تەلەفون نومىرىمەن بايلانىستىرۋ قاجەت. وسىلايشا، ۇيالى بايلانىس پايدالانۋشىلارى 2018-جىلدىڭ اياعىنا دەيىن ءوز قۇرىلعىلارىن تىركەپ قويۋى قاجەت. سەبەبى 2019-جىلى 1- قاڭتاردان باستاپ تىركەلمەگەن ابونەنتتەرگە قىزمەت كورسەتىلمەيدى»، - دەدى د. ابايەۆ حالىققا ەسەپ بەرۋى كەزدەسۋىندە.

ءمينيستردىڭ سوزىنە قاراعاندا، IMEI- كودتاردىڭ بازاسىن جاساقتاۋ كەزىندە ۇلى بريتانيا، تۇركيا، ازەربايجان سياقتى مەملەكەتتەردىڭ تاجىريبەسى ەسكەرىلدى.

«ارينە، ۇيالى تەلەفونداردى تىركەۋگە قاتىستى حالىق اراسىندا دۇرلىگۋ تۋىنداۋى مۇمكىن. ونى دا جاقسى تۇسىنەمىز. سول سەبەپتى تەلەفون تىركەۋدىڭ ونلاين قىزمەتىن ىسكە قوسۋدى جوسپارلاپ وتىرمىز»، - دەپ اتاپ كورسەتتى د. ابايەۆ.

سوڭعى جاڭالىقتار