ەلباسى جاڭاشىل جاستارعا اق جول تىلەدى

ورال. قازاقپارات - بۇگىن ەلباسى نۇرسۇلتان نازاربايەۆ باتىس قازاقتان وبلىسىنا جۇمىس ساپارى بارىسىندا جاڭا الاڭدا جۇرتشىلىقپەن جانە وقۋشىلار سارايىندا جاستارمەن كەزدەستى، دەپ حابارلايدى قازاقپارات ءتىلشىسى.
None
None

پرەزيدەنت وقۋشىلار سارايىندا الدىمەن بالعىن بوكسشىلارمەن ەمەن- جارقىن اڭگىمەلەستى. جاس بىلعارى قولعاپ شەبەرلەرى بولاشاقتا وسى باتىس قازاقستان وبلىسىنان شىققان ريو وليمپياداسىنىڭ چەمپيونى دانيار ەلەۋسىنوۆ سياقتى الەمدىك جارىستاردا توپ جارۋعا ۋادە بەردى.

مەملەكەت باسشىسىنا وڭىردە دەنساۋلىق ساقتاۋ جانە ءبىلىم بەرۋ سالاسىندا جۇزەگە اسىرىلىپ جاتقان سيفرلاندىرۋ جوبالارى تانىستىرىلدى. ەلباسى بۇل جونىنەن باتىس قازاقستان وبلىسىنىڭ الدا ەكەندىگىن، وسى باعىتتاعى جۇمىستاردى جالعاستىرۋ كەرەكتىگىن اتاپ ءوتتى.

نۇرسۇلتان نازاربايەۆ ءبىر توپ جاڭاشىل جاستارمەن كەزدەستى. «AQJAYIQ» تەلەارناسىنىڭ رەداكتورى نينا پاۆلىچيەۆا قازاق تىلىندە «100 جاڭا وقۋلىق» جوباسى بويىنشا جارىق كورگەن «مەديا ەتيكا» كىتابىن وقىپ، كوكەيگە تۇيگەندىگىن ايتسا، 1991-جىلى پرەزيدەنت ەسىمىن قويعان نۇرسۇلتان ساقپايەۆ ۇشقىش بولۋدى بالا كەزدەن ارمانداعانىن، قازىر سونىڭ ورىندالىپ جاتقانىن جەتكىزدى. سول سەكىلدى م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنتى زارينا ىقسانوۆا «پرەزيدەنتتىڭ الەۋمەتتىك بەس تاپسىرماسى» اياسىندا وبلىستا جاڭادان جاتاقحانالار سالىنىپ جاتقانى جاستار ءۇشىن ۇلكەن قۋانىش ەكەندىگىن ءمالىم ەتتى. جاس كاسىپكەر اسحات رامازانوۆ ءوزىنىڭ جاڭا جوبالارىمەن تانىستىردى.

ەلباسى جاستارعا قازىرگى ۋاقىتتا مەملەكەت تاراپىنان مول مۇمكىندىكتەر جاسالىپ وتىرعانىن ايتىپ، ولارعا جاڭاشىلدىق جولىندا تابىس تىلەدى.

وسىمەن پرەزيدەنتتىڭ باتىس قازاقستان وبلىسىنداعى ساپارى اياقتالدى.

 

سوڭعى جاڭالىقتار