اۋىل بيزنەسىن دامىتۋعا قانشا اقشا بولىنەدى؟

استانا. قازاقپارات - مەملەكەت باسشىسىنىڭ تاپسىرماسى بويىنشا شاعىن نەسيەلەندىرۋدىڭ كولەمى 62 ميلليارد تەڭگەگە ۇلعايادى.
None
None

سونىڭ ىشىندە قالادا جانە اۋىلدى جەردە بەرىلەتىن نەسيەلەر بار. قازاقپارات ءتىلشىسىنىڭ رەسمي ساۋالىنا جاۋاپ بەرگەن اۋىل شارۋاشىلىعىن قارجىلاي قولداۋ قورى اۋىلداعى بيزنەسكە ناقتى قانشا قارجىنىڭ بولىنەتىنىن ناقتىلادى.

ايتا كەتكەن ءجون، «اۋىل شارۋاشىلىعىن قارجىلاي قولداۋ قورى» ا ق «قازاگرو» حولدينگىنىڭ ەنشىلەس كومپانياسى بولىپ سانالادى. اتالعان كومپانيا 2017-2021-جىلدارعا ارنالعان «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى اياسىنداعى شاعىن نەسيەلەندىرۋگە جاۋاپتى. بىلتىر شاعىن نەسيەلەرگە جالپى سوماسى 27 ميلليارد تەڭگە بولىنگەن بولاتىن. سونىڭ 16,6 ميلليارد تەڭگەسى «اۋىل شارۋاشىلىعىن قارجىلاي قولداۋ قورى» ارقىلى بەرىلدى. نەسيەلەر جۇمىسسىزدارعا، ءوز-ءوزىن جۇمىسپەن قامتىپ جۇرگەندەرگە، اۋىل شارۋاشىلىق كووپەراتيۆتەرى مەن شاعىن كاسىپكەرلىك سۋبەكتىلەرگە بەرىلدى. وسىلايشا، اۋىلدى جەردە 4638 ادام ءوز كاسىبىن اشتى. باستى تالاپ - كاسىپكەرلىك دايىندىقتان ءوتۋ جانە تۇراقتى جۇمىس ورىندارىن اشۋ.

«اۋىل شارۋاشىلىعىن قارجىلاي قولداۋ قورى» اق تاراپىنان بەرىلگەن قاراجات كولەمىنەن مال شارۋاشىلىعىن دامىتۋعا باعىتتالعان جوبالارعا - 78 پايىز، وسىمدىك شارۋاشىلىعىنا - 10 پايىز، قالعانى - اۋىل شارۋاشىلىق ەمەس بيزنەس تۇرلەرىنە ءبولىندى. بۇرىن قور 20 ميلليارد تەڭگەگە شاعىن نەسيەلەردى بەرۋدى جوسپارلاپ وتىرسا، قازىرگى ۋاقىتتا بولىنگەن قوسىمشا قاراجات ەسەبىمەن، سونداي-اق نەسيە بويىنشا وتەماقى قاراجاتىن ەسكەرە وتىرىپ، ناتيجەلى جۇمىسپەن قامتۋ باعدارلاماسى بويىنشا اۋىلداعى كاسىپكەرلىكتى قارجىلاندىرۋعا 26,7 ميلليارد  تەڭگە بولىنەدى دەپ كۇتىلۋدە»، - دەلىنگەن اۋىل شارۋاشىلىعىن قارجىلاي قولداۋ قورىنىڭ جاۋابىندا.

ايتا كەتەيىك، بيىل شاعىن نەسيەلەندىرۋ بويىنشا ءبىرقاتار وزگەرىستەر بار. اتاپ ايتقاندا، ءوزىن-ءوزى جۇمىسپەن قامتىپ جۇرگەندەر ءۇشىن ءبىر شەكتەۋ ەنگىزىلىپ وتىر. سونداي-اق، نەسيەنىڭ سوماسىنا قاتىستى ءبىرقاتار تۇزەتۋلەر ەنگىزىلدى.

سوڭعى جاڭالىقتار