رەسەي مەن ۋكراينا تىكۇشاقتارى استانادا جوندەلە باستادى

استانا. قازاقپارات - پارلامەنت ماجىلىسىندەگى ۇكىمەت ساعاتىندا قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ استاناداعى ەۆروكوپتەر ورتالىعىنىڭ مۇمكىندىكتەرى تۋرالى ايتىپ بەردى، دەپ حابارلايدى قازاقپارات.
None
None

«2011-جىلى قۇرىلعان «ەۆروكوپتەر قازاقستان ينجينيرينگ» قىزمەتتەر ەكسپورتىنا شىقتى. وسى ورايدا ەۆروكوپتەر ساناتىنداعى بارلىق تىكۇشاقتارعا تەحنيكالىق قىزمەت كورسەتۋ قۇقىعى بەرىلدى. پوستكەڭەستىك كەڭىستىكتە سەرتيفيكاتتالعان جالعىز ورتالىق مارتەبەسىنە يە»، - دەپ توقتالدى مينيستر.

ونىڭ سوزىنە قاراعاندا، بۇگىندە استاناداعى ورتالىقتا رەسەي، ۋكراينا، موڭعوليا جانە ورتالىق ازيا ەلدەرىنەن تىكۇشاقتار جوندەۋدەن وتۋدە.

«بۇگىنگى كۇنى كىرىستىڭ 50 پايىزعا جۋىعىن قىزمەتتەر ەكسپورتى قۇرايدى جانە كومپانيا ايماقتىق سەرۆيستىك ورتالىق رەتىندە جاڭا دەيگەيگە شىعۋدا»، - دەپ ناقتىلادى اتامقۇلوۆ.

ايتا كەتەيىك، «ەۋروكوپتەر قازاقستان ينجينيرينگ» زاۋىتىن «قازاقستان ينجينيرينگ» ۇلتتىق كومپانياسى» ا ق مەن «ەۋروكوپتەر» فرانسۋز كاسىپورنى بىرلەسىپ قۇرعان. قازاقستان رەسپۋبليكاسى پرەزيدەنتىنىڭ تاپسىرماسىمەن 2010-جىلدىڭ 27- قازانىندا فرانسيادا بىرلەسكەن كومپانيا قۇرۋ تۋرالى ەكىجاقتى كەلىسىمگە قول قويىلدى. زاۋىتتىڭ ءۇش مودەلگە ارنالعان، ياعني ەس145، ەس130، AS 350 تىكۇشاقتارىنا قىزمەت كورسەتۋگە مۇمكىندىگى بار.

اۆتور: رۋسلان عابباسوۆ

سوڭعى جاڭالىقتار