قازاقستان ءبىر بەلدەۋ، ءبىر جول باستاماسىنىڭ باستى فلاگمانى - باقىت سۇلتانوۆ

استانا. قازاقپارات - قازاقستان ءبىر بەلدەۋ، ءبىر جول باستاماسىنىڭ باستى فلاگمانى. بۇل تۋرالى بۇگىن «سەرىكتەستىك: كەدەن-سالىق جانە بيزنەس» حالىقارالىق فورۋمىندا ق ر قارجى ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.
None
None

«بۇگىنگى تاڭدا الەمدىك ەكونوميكانىڭ دامۋى جاھاندىق جۇيەنىڭ تۇتاستىعىن قۇرۋعا سەپ بولاتىن كوپ ۇلتتى نەگىزگە ارنالعان ينتەگراتسيالىق پروتسەستەرمەن سيپاتتالادى. حالىقارالىق ەكونوميكالىق قارىم-قاتىناس جاڭا ساپالى دەڭگەيگە شىعىپ وتىر. بۇل ساۋدانى ىرىقتاندىرۋ جانە بيزنەس جۇرگىزۋ ءۇشىن قولايلى جاعداي جاساۋعا نەگىزدەلەدى. قازاقستان رەسپۋبليكاسى دۇنيەجۇزىلىك ساۋدا ۇيىمىنىڭ تولىققاندى مۇشەسى رەتىندە حالىقارالىق ساۋدانىڭ دامۋىنا جاردەمدەسۋ، بيزنەس سالاسىنداعى باسەكەگە قابىلەتتىلىكتى ارتتىرۋ ءارى اشىقتىقتى ارتتىرۋ بويىنشا بەلسەندى شارالار قابىلدايدى»، - دەپ اتاپ ءوتتى مينيستر.

ونىڭ اتاپ وتۋىنشە، كەدەندىك پروتسەدۋرالاردى جەڭىلدەتۋ جانە ۇيلەستىرۋ تۋرالى حالىقارالىق كونۆەنتسيانىڭ، ۋاقىتشا تاسىمال تۋرالى ىستانبۇل كونۆەنتسياسىنىڭ ەرەجەلەرى مەن پرينتسيپتەرىن باسشىلىققا الا وتىرىپ، قازاقستاننىڭ كەدەن قىزمەتى قولايلى ينۆەستيتسيالىق جانە كاسىپكەرلىك احۋالدى جاقسارتۋ باعىتىندا شارالار قابىلداۋدا.

«بۇعان قوسا، ءبىزدىڭ رەسپۋبليكا بەلدەۋ جانە جول باستاماسىندا اتالعان باستامانىڭ ينۆەستيتسيالىق بەنەفيتسيارى رەتىندە عانا ەمەس سونىمەن بىرگە مۇددەلىك تانىتاتىن باستى كوننەكتورلاردىڭ ءبىرى رەتىندە ايرىقشا ورىنعا يە. بۇعان قوسا، قازاقستان بارلىق باستامالاردىڭ وزىندىك حابى رەتىندە بەلدەۋ جانە جول جوباسىنىڭ كورنەكتى فلاگمانى سانالادى»، - دەپ اتاپ ءوتتى باقىت سۇلتانوۆ.

سوڭعى جاڭالىقتار