قازاقستان تاريحىنداعى تۇڭعىش ايەل- ەلشى

استانا. قازاقپارات -   ۇستازى مىقتىنىڭ ۇستامى مىقتى. ەلىمىزدىڭ جاس ديپلوماتتارىنىڭ بىلىكتى مامان، مەملەكەت جانە قوعام قايراتكەرى اقمارال ارىستانبەكوۆادان ۇيرەنەرى كوپ.

 قازاقستان تاريحىنداعى تۇڭعىش ايەل- ەلشى اقمارال حايدار قىزىنىڭ ەڭبەك جولى وزىندىك ءبىر مەكتەپ دەۋگە ابدەن لايىق.

اقمارال حايدار قىزىنىڭ ديپلوماتيا سالاسىندا 30 جىلعا جۋىق تاجىريبەسى بار. 1989-1991 -جىلدارى ول كەزدەگى قازاق ك س ر- ءنىڭ سىرتقى ىستەر ءمينيسترى بولدى. تاۋەلسىزدىك العاننان كەيىن قازاقستاننىڭ ب ۇ ۇ جانىنداعى تۇراقتى وكىلى لاۋازىمىنا تاعايىندالادى. ەلباسى تاپسىرماسىمەن قازاقستاننىڭ مارتەبەلى حالىقارالىق ۇيىمعا قابىلدانۋى بويىنشا دايىندىق جۇمىستارىن جۇرگىزەدى.

 اقمارال ارىستانبەكوۆا، ق ر س ءى م ايرىقشا تاپسىرمالار بويىنشا ەلشىسى:

 -  تاۋەلسىزدىك جىلدارى قازاقستان پرەزيدەنت نۇرسۇلتان نازاربايەۆتىڭ باسشىلىعىمەن حالىقارالىق قاتىناستارداعى جاس مەملەكەتتەن الەمدىك ساحناداعى بەدەلدى ەلگە اينالدى. وزدەرىڭىز بىلەسىزدەر، قازاقستان ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى. بيىل قاڭتار ايىندا قاۋىپسىزدىك كەڭەسكە ءتوراعالىق جاسادى. بۇنىڭ بارلىعى -  تاۋەلسىزدىكتىڭ جەمىسى.

 بىلىكتى ديپلومات بۇگىن 70 جاسقا تولىپ وتىر. «سابىرلىق پەن ۇقىپتىلىق، جاۋاپكەرشىلىك پەن وتانعا قىزمەت ەتۋ سەكىلدى قاسيەتتەردىڭ بارلىعى اقمارال حايدار قىزىنىڭ بويىنان تابىلادى»، -  دەيدى ارىپتەستەرى.

قايرات ءابدىراحمانوۆ، ق ر سىرتقى ىستەر ءمينيسترى:

-  بۇگىنگى تاڭدا ول كىسى ءوزىنىڭ قىزمەتىن جالعاستىرىپ جاتىر. وسى الماتىدا، ءبىزدىڭ وسى وڭتۇستىك شاھارىمىزدا ءبىرسىپىرا ءالى حالىقارالىق ءىس- شارا جۇرگىزىلىپ جاتىر. سول كىسىنىڭ قاتارىندا قىزمەت ەتىپ جاتقان جاس ديپلوماتتار ول كىسىنىڭ تاربيە- تاجىريبەسىنەن ۇيرەنىپ ءجۇر.

اقمارال حايدار قىزى -  كوپتەگەن ماقالا مەن عىلىمي ەڭبەكتەردىڭ اۆتورى. كاسىبي ديپلومات ستۋدەنتتەرگە ءدارىس وقىپ، مول تاجىريبەسىمەن دە ءبولىسىپ تۇرادى.

www.24.kz