ەڭ جوعارى جالاقى الاتىن وڭىرلەر اتالدى

«2018-جىلعى I توقساننىڭ قورىتىندىسى بويىنشا قازاقستاندىقتاردىڭ ورتاشا ايلىق جالاقىسى 152,4 مىڭ تەڭگەنى قۇرادى. بۇل وتكەن جىلمەن سالىستىرعاندا %8,7 جوعارى. ينفلياتسيانى ەسەپكە العاندا ساتىپ الۋ قابىلەتى جىلدا %2 ارتىپ كەلەدى. ايتا كەتۋ كەرەك، ساتىپ الۋ قابىلەتىنىڭ ءوسىمى 2015-جىلدىڭ I توقسانىنان باستاپ ءبىرىنشى رەت تىركەلدى»، - دەلىنگەن تاراتىلعان حابارلامادا.
جالاقىنىڭ اناعۇرلىم ءوسىمى ماڭعىستاۋ وبلىسىندا تىركەلگەن: جىلىنا 282 مىڭ تەڭگەگە دەيىن (%14). بۇل - قازاقستان بويىنشا ەڭ جوعارى ورتاشا ايلىق جالاقى. سونىمەن قاتار، ورتاشا ايلىق تابىسى بويىنشا اتىراۋ وبلىسى (جىلىنا 279,9 مىڭ تەڭگە، %9,2)، استانا (جىلىنا 223,5 مىڭ تەڭگە، %9,9) جانە الماتى (جىلىنا 187,8 مىڭ تەڭگە، %4,4) كوش باستاپ تۇر.
ەڭ جوعارى جالاقىنى قارجى جانە ساقتاندىرۋ سالاسىنىڭ قىزمەتكەرلەرى (I توقساننىڭ ناتيجەسى بويىنشا 299 مىڭ تەڭگە، وتكەن جىلعا قاراعاندا %2,8 ارتقان)، سونداي-اق عىلىمي جانە تەحنيكالىق قىزمەتكە ماماندانعان تۇلعالار (255,1 مىڭ تەڭگە، %7,2 عا ارتقان) الادى.
2017-جىلدىڭ قورىتىندىسى بويىنشا ەلدەگى ورتاشا ايلىق ەڭبەكاقى 149,7 مىڭ تەڭگەنى (جىلىنا %5) قۇرادى. دەگەنمەن، ينفلياتسيانى ەسەپكە العاندا حالىقتىڭ ساتىپ الۋ قابىلەتى جىل سايىن %2,1 قىسقارىپ كەلەدى.