بۇگىن - وتان قورعاۋشى كۇنى

استانا. قازاقپارات - 1992 -جىلدىڭ 7 -  مامىرىندا مەملەكەت باسشىسى نۇرسۇلتان نازاربايەۆتىڭ جارلىعىمەن ەگەمەن ەل - قازاقستان رەسپۋبليكاسىنىڭ قارۋلى كۇشتەرى قۇرىلدى. ارادا 20 جىل وتكەننەن كەيىن، ياعني 2012 -جىلى ق ر ۇكىمەتى 7 - مامىردى مەملەكەتتىك مەرەكە - وتان قورعاۋشى كۇنى رەتىندە بەلگىلەدى. وسىلايشا، جالپى ۇلتتىق مەرەكەگە اينالعان 7 - مامىر - ايبىندى اسكەردىڭ ايتۋلى كۇنى رەتىندە جىل سايىن اتالىپ ءوتىپ كەلەدى، دەپ حابارلايدى قازاقپارات ءتىلشىسى.
None
None

دەربەس ەلدىڭ قارۋلى كۇشتەرى قۇرىلعان ۋاقىتتا جوعارعى باس قولباسشىلىق پرەزيدەنتكە جۇكتەلسە، تاۋەلسىز ەلدىڭ تۇڭعىش قورعانىس ءمينيسترى بولىپ گەنەرال- پولكوۆنيك ساعادات نۇرماعانبەتوۆ تاعايىندالدى. 1992 -جىلى ق ك جوعارعى باس قولباسشىنىڭ جارلىعىمەن قۇرلىقتاعى اسكەر، اۋە قورعانىسى كۇشتەرى مەن اسكەري- تەڭىز كۇشتەرىنىڭ باس شتابتارى بەكىتىلگەن ەدى. ايەروۇتقىر كۇشتەرگە جوعارعى باس قولباسشىنىڭ رەزەرۆى قۇزىرى بەرىلىپ، 2001 -جىلدان باستاپ قازاقستان ورتالىق، وڭتۇستىك، باتىس جانە شىعىس - ءتورت اسكەري وڭىرلىكتەرگە ءبولىندى.

2012 -جىلعى 3 - مامىردا نۇرسۇلتان نازاربايەۆتىڭ «قازاقستان رەسپۋبليكاسى قارۋلى كۇشتەرىنىڭ 20 جىلدىعى تۋرالى» بۇيرىعى نەگىزىندە «وتان قورعاۋشى كۇنى» بەكىتىلىپ، ونىڭ قۇرمەتىنە 2013 - جىلى استانادا تۇڭعىش رەت جاۋىنگەرلىك پاراد ءوتتى. وعان 7 مىڭنان استام اسكەري قىزمەتشى، 400 بىرلىكتەن اسا اسكەري تەحنيكا، 86 ۇشاق پەن تىكۇشاق تارتىلعان ەدى.

ق ر قارۋلى كۇشتەرى قۇرىلعالى بەرى قورعانىس مينيسترلىگىنىڭ باسشىلىعىندا ساعادات نۇرماعامبەتوۆ (1992-1995)، الىبەك قاسىموۆ (1995-1996)، مۇحتار التىنبايەۆ (1996-1999 جانە 2001-2007)، ءسات توقپاقبايەۆ (1999-2001)، دانيال احمەتوۆ (2007-2009)، ادىلبەك جاقسىبەكوۆ (2009-2014)، سەرىك احمەتوۆ (2014)، يمانعالي تاسماعامبەتوۆ (2014-2016) بولدى. 2016 -جىلدىڭ قىركۇيەك ايىنان باستاپ بۇل جاۋاپتى مىندەتتى گەنەرال- پولكوۆنيك ساكەن جاسۇزاقوۆ اتقارىپ كەلەدى.

وتان قورعاۋشى كۇنى بيىل دا جوعارى دەڭگەيدە اتالىپ وتپەك. ناقتىراق ايتقاندا، 7 - مامىردا جامبىل وبلىسى قورداي اۋدانىنداعى «وتار» اسكەري بازاسىنىڭ اۋماعىندا جاۋىنگەرلىك پاراد وتەدى. اتاۋلى شاراعا ءۇش مىڭنان استام سارباز، 300-دەن استام قارۋلانۋ ءارى اسكەري تەحنيكاسى، 30-عا جۋىق اۆياتسيا تەحنيكاسى قاتىسادى. ياعني، پارادتا قازاق اسكەرىنىڭ قاۋقارى مەن الەۋەتى كەزەكتى مارتە پاش ەتىلمەك.

قازاق اسكەرى - دەربەس ەلدىڭ تىرەگى، بايتاق جەردىڭ قورعانى. وسىناۋ ايتۋلى كۇندە «قازاقپارات» حالىقارالىق اقپارات اگەنتتىگى بۇكىل قازاقستان حالقى مەن اسكەري قىزمەتشىلەردى وتان قورعاۋشى كۇنىمەن قۇتتىقتايدى!

اۆتور: ايان بەكەن ۇلى

سوڭعى جاڭالىقتار