قازاقستان مەن قىرعىزستان پرەزيدەنتتەرى ەكىجاقتى ىنتىماقتاستىق جاعدايىن تالقىلادى

استانا. قازاقپارات - مەملەكەت باسشىسى نۇرسۇلتان نازاربايەۆ قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

اڭگىمەلەسۋ بارىسىندا قازاقستان مەن قىرعىزستان پرەزيدەنتتەرى ەكىجاقتى ىنتىماقتاستىقتىڭ قازىرگى جاعدايى مەن پەرسپەكتيۆالارىن، بۇعان دەيىن قول جەتكىزىلگەن جوعارى دەڭگەيدەگى ۋاعدالاستىقتاردىڭ ىسكە اسىرىلۋ بارىسىن، سونداي-اق ەۋرازيالىق ەكونوميكالىق وداق اياسىنداعى تاراپتاردىڭ ءوزارا ىقپالداستىق ماسەلەلەرىن تالقىلادى.