قىتاي تاراپىنان قازاقستاننىڭ ەتى مەن ءبيدايىنا قىزىعۋشىلىق جوعارى
وعان «قازاقستان-قىتاي ساۋداسىنا جاردەمدەسۋ قاۋىمداستىعى» زاڭدى تۇلعالار بىرلەستىگىنىڭ وكىلدەرى قاتىستى، دەپ حابارلايدى قازاقپارات.
اتالعان فورۋم تاماق ونەركاسىبىن دامىتۋدىڭ حالىقارالىق پروتسەسىن جەدەلدەتۋگە، حالىقارالىق تاجىريبەلەر الماسۋعا، سونداي-اق ازىق-تۇلىك ونەركاسىبىن دامىتۋ ءۇشىن جاڭا پلاتفورمالار قۇرۋعا باعىتتالعان.
حالىقارالىق كورمەگە الەمنىڭ جانە قىتايدىڭ 16 ايماعىنان ساۋدا دەپارتامەنتتەرى، بيزنەس-قاۋىمداستىقتار، ازىق-تۇلىك يمپورتى جانە ەكسپورتىمەن اينالىساتىن اگەنتتىكتەر قاتىستى. شارا اياسىندا ماماندار ازىق-تۇلىك سالاسىنداعى مۇمكىندىكتەر تۋرالى پىكىر الماسىپ، باسىمدىق بەرىلەتىن جوبالاردىڭ تانىستىرىلىمى وتكەن. حەنان پروۆينتسياسىنىڭ تاماق ونەركاسىبىمەن ەكونوميكالىق جانە ساۋدا ىنتىماقتاستىعى ماسەلەلەرى دە تالقىلاندى.
بۇدان بولەك، حالىقارالىق شارا اياسىندا «قازاقستان-قىتاي ساۋداسىنا جاردەمدەسۋ قاۋىمداستىعى» مەن حەنان پروۆينتسياسى حالىقارالىق ساۋداعا جاردەمدەسۋ كوميتەتى اراسىندا ىنتىماقتاستىق تۋرالى مەموراندۋمعا قول قويىلدى.
«مەموراندۋم اياسىندا قىتاي تاراپى قازاقستاندىق ەت پەن بيداي ونىمدەرىن ساتىپ الۋعا قىزىعۋشىلىق تانىتىپ وتىر. مەن ءبىزدىڭ ارىپتەستەرىمىزدى بۇگىنگى كۇنى قازاقستان ۇكىمەتى تاراپىنان ءبىرقاتار حاتتامالارعا قول قويۋ بويىنشا بەلسەندى جۇمىستار اتقارىلىپ جاتقاندىعىنان حاباردار ەتتىم. بۇل شارا نەگىزىنەن قىتايعا ونىمدەرىمىزدى ەكسپورتتاۋ مۇمكىندىگىن اشاتىن بولادى»، - دەدى «قازاقستان-قىتاي ساۋداسىناا جاردەمدەسۋ قاۋىمداستىعىنىڭ اتقارۋشى ديرەكتورى باتىربەك اۋباكيروۆ.
ونىڭ ايتۋىنشا، تاراپتار جوعارى تەحنولوگيالىق جانە اگرارلىق ونىمدەردىڭ ەكسپورتى جانە يمپورتى بويىنشا سۇرانىستار تۋرالى اقپاراتتار الماسۋعا ۋاعدالاسقان.
ەسكە سالا كەتسەك، مۇنداي حالىقارالىق كورمە 2017-جىلى وتكەن بولاتىن. وندا الەمنىڭ 20 دان استام ەلىنەن، گونكونگ، ماكاو، تايۆان مۋنيتسيپاليتەتتەرى، اۆتونومدىق اۋداندارىنان، 30 دان استام پروۆينتسيايادان 2000 نان استام كومپانيا قاتىسقان بولاتىن. حالىقارالىق كورمە اياسىنداعى كەلىسىمدەر سوماسى شامامەن 3 ميلليارد يۋاننان اسقان.
