ۇيالى تەلەفونمەن قازاقتىڭ ۇلتتىق ويىندارىن ويناۋعا مۇمكىندىك تۋدى
بۇل تۋرالى بۇگىن ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ ايتتى، دەپ حابارلايدى قازاقپارات.
اقوردادا وتكەن ق ر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەزەكتى وتىرىسىنان كەيىن ب ا ق وكىلدەرىنە سۇحبات بەرگەن ۋنيۆەرسيتەت باسشىسى «رۋحاني جاڭعىرۋ» باعدارلاماسى جاستارعا ارنالعانىن اتاپ ءوتتى.
«باعدارلاما قولعا الىنعاننان كەيىن ۋنيۆەرسيتەتتىڭ اقپاراتتىق تەحنولوگيانى بىلەتىن تالانتتى جاستارىن جيناپ، قازاقتىڭ ۇلتتىق ويىندارىن، سپورتتىق سايىستارىن ينتەرنەتتەگى ويىندارعا اينالدىرۋدى ۇسىنعان ەدىم. ءقازىر كەز كەلگەن ادام تەلەفونىمەن ءتۇرلى ويىنداردى ويناي الادى. ال نەگە قازاقتىڭ ۇلتتىق ويىندارىن ينتەرنەت وينىنا اينالدىرماسقا؟ بۇل ۇسىنىسىمدى جاستار قولدادى. كەشە عانا جاقسى حابار الدىم. قازىر تەلەفوندارىڭىزعا توعىزقۇمالاقتى جۇكتەپ، ويناي الاسىزدار. وتە قىزىقتى بولىپ شىقتى. ەندى تاياۋ ارادا اسىق اتۋ ەنەدى. ودان كەيىن قۇسبەگىلىك، قانسونار ويىن رەتىندە ەنگىزىلەدى»، - دەدى ەرلان باتتاش ۇلى.
سونىمەن قاتار، ول الداعى ءساۋىر ايىندا ەلباسىنىڭ «رۋحاني جاڭعىرۋ» ماقالاسىنىڭ جارىق كورگەنىنە 1 جىل تولاتىندىعىن ەسكە سالدى.
«وسى ۋاقىتتىڭ ىشىندە اجەپتاۋىر جۇمىستار اتقارىلىپ، كوپ ماسەلە جۇيەگە كەلگەنىن، سانادا ۇلكەن قوزعالىس پايدا بولعانىنا كۋا بولىپ وتىرمىز. بۇگىنگى كوميسسيا وتىرىسىندا اتقارىلعان جۇمىستارعا ەسەپ بەرىلىپ، الدىعا تىڭ مىندەتتەر قويىلدى. اناۋ كۇنى ەلباسى سىنعا الىپ، قاسيەتتى جەرلەر تىزىمىنە كەيبىر ۇساق-تۇيەك دۇنيەلەردى كىرگىزۋگە بولمايتىنىن ايتقان ەدى. وسى تۇرعىدا بىزدە قۇرىلعان ساراپشىلار كەڭەسى اتالعان ماسەلەگە ءجىتى نازار اۋدارىپ، ناقتى ۇسىنىستار بەرىپ وتىراتىن بولادى»، - دەدى ەرلان سىدىقوۆ.
