وڭتۇستىك قازاقستاندا «قىزىم، ساعان ايتام» اتتى سىرلاسۋ كەشى ءوتتى - فوتو
ادەت- عۇرىپ جانە سالت-ءداستۇر ورتالىعىندا ۇيىمداستىرىلعان شارادا بويجەتكەندەرگە حالقىمىزدىڭ ادەت- عۇرپى مەن سالت-داستۇرلەرى، جورالعىسى ءتۇسىندىرىلدى، دەپ حابارلايدى قازاقپارات ءتىلشىسى.
سىرلاسۋ كەشى ەلباسى ن. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى مەن «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى اياسىندا ۇيىمداستىرىلدى. باسقوسۋعا جوعارى وقۋ ورىندارىنىڭ ستۋدەنتتەرى مەن وقۋشىلارى قاتىستى.
ولارعا قالالىق ەمحانانىڭ پسيحولوگ مامانى مەن ايەلدەر دارىگەرى، «كوركەم» اجەلەر توبىنىڭ مۇشەسى كەڭەستەر بەردى. سونداي- اق دارىگەر ساراپشى مەن زەينەت جاسىنداعى ەل انالارى قاتىسىپ، جاس قىزدارمەن سىر سۇحبات وتكىزدى.
كەزدەسۋدە قازىرگى قازاق قىزىنىڭ تاربيەسى مەن بويىنداعى ۇلتتىق قۇندىلىقتاردى وياتۋ، ولاردى وتباسىلىق ومىرگە تاربيەلەۋ جولدارى مەن قازاق حالقىنىڭ سالت- داستۇرىندەگى كيبىر ماسەلەلەرى تالقىلاندى. حالقىمىزدىڭ ادەت- عۇرپى مەن سالت-داستۇرلەرىن، ءجون-جورالعىسى ساقتالعان ۇلتتىق قۇندىلىقتاردى قىز بالانىڭ بويىندا قالىپتاستىرۋ جايى ءسوز بولدى. كەش بارىسىندا «سارقىلماس قازىنا» تەلەجوباسى اياسىندا تۇسىرىلگەن قىز تاربيەسىنە قاتىستى «قىزدى وڭ بوساعاعا وتىرعىزۋ»، «قىز جاساۋى» سىندى بەينەروليكتەر كورسەتىلدى.
