نۇرسۇلتان نازاربايەۆ ا ق ش- قا رەسمي ساپارىنىڭ قورىتىندىلارى جونىندە كەڭەس وتكىزدى

استانا. قازاقپارات - مەملەكەت باسشىسى نۇرسۇلتان نازاربايەۆ امەريكا قۇراما شتاتتارىنا رەسمي ساپارىنىڭ قورىتىندىلارى جونىندە كەڭەس وتكىزدى، دەپ حابارلايدى اقوردانىڭ باسپا ءسوز قىزمەتى.

كەڭەسكە پرەزيدەنت اكىمشىلىگىنىڭ باسشىسى ءا. جاقسىبەكوۆ، پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى ۆ. جۇماقانوۆ، پرەزيدەنتتىڭ كومەكشىلەرى ن. وڭجانوۆ پەن ءا. سمايىلوۆ قاتىستى.

مەملەكەت باسشىسى ا ق ش- قا رەسمي ساپارىنىڭ اياسىندا وتكىزىلگەن كەزدەسۋلەردى قورىتىندىلاپ، قول جەتكىزىلگەن ۋاعدالاستىقتاردى جۇزەگە اسىرۋ ءۇشىن ءبىرقاتار ناقتى تاپسىرما بەردى.

«ساپار تابىستى بولدى. ەڭ باستىسى، ناقتى ماسەلەلەر بويىنشا ناقتى ۋاعدالاستىقتارعا قول جەتكىزدىك»، - دەدى نۇرسۇلتان نازاربايەۆ.

سونىمەن قاتار قازاقستان پرەزيدەنتى شەتەلدىك كومپانيالارمەن ەكونوميكالىق ىنتىماقتاستىقتى نىعايتىپ، دامىتۋ جونىندەگى مىندەتتەردى ىسكە اسىرۋدىڭ ماڭىزدىلىعىن اتاپ ءوتتى.