قازاقستان مەن گەرمانيا اگرارلىق سالالاردا ىنتىماقتاسپاق
شارا «جاسىل اپتا-2018» حالىقارالىق اۋىل شارۋاشىلىعى كورمەسى اياسىندا ۇيىمداستىرىلدى، دەپ حابارلايدى «قازاقپارات» ح ا ا مەنشىكتى ءتىلشىسى.
ءىس- شارا گ ف ر- داعى ق ر ەلشىلىگىنىڭ جانە قازاقستان- گەرمانيا اگرارلىق-ساياسي ديالوگىنىڭ ۇيىمداستىرۋشىلىق قولداۋىمەن گەرمانيا كومپانيالارى مەن اۋىلشارۋاشىلىق بىرلەستىكتەرى وكىلدەرىنىڭ قاتىسۋىمەن وتكەن.
گەرمانياداعى قازاقستان ەلشىسى بولات ءنۇسىپوۆ نەمىس سەرىكتەستەرىنە مەملەكەت باسشىسىنىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنداعى ق ر اگروونەركاسىپ كەشەنىن دامىتۋ بولىمىندەگى نەگىزگى ماقساتتار مەن مىندەتتەرمەن تانىستىردى.
«گەرمانيانىڭ اگرارلىق-ساياسي ديالوگ ارقىلى اۋىل شارۋاشىلىعى الەۋەتىن قولدانۋ مەن قازاقستاننىڭ اگروونەركاسىپ سالاسىن تۇراقتى دامىتۋ ۇدەرىسىندەگى ءبىلىمى جانە تاجىريبەسىمەن قازاقستانعا بەلسەندى قولداۋ كورسەتىپ وتىرعانىن اتاپ وتكىم كەلەدى»، - دەدى قازاقستاندىق ديپلومات.
ءوز كەزەگىندە، س. سەيفۋللين اتىنداعى اگروتەحنيكالىق ۋنيۆەرسيتەتتىڭ رەكتورى اقىلبەك كۇرىشبايەۆ دۇنيەجۇزىلىك ازىق-تۇلىك ۇيىمىنىڭ «قازاقستاندى ازىق-تۇلىكپەن الەمدى قامتاماسىز ەتۋ الەۋەتى بار ۇزدىك بەس ەلدىڭ ىشىنە قوسقانىن» اتاپ ءوتتى.
«قازاقستان- گەرمانيا اگرارلىق-ساياسي ديالوگى» جوباسىنىڭ جەتەكشىسى ديتحارد رۋدەرت ق ر مەن گ ف ر اراسىنداعى ىنتىماقتاستىقتىڭ بەرىك ەكەندىگىن تىلگە تيەك ەتىپ، ونىڭ نەگىزگى باعىتتارى تۋرالى ايتتى.
ونىڭ ايتۋىنشا، قازاقستان- گەرمانيا اگرارلىق-ساياسي ديالوگىنىڭ باستى مىندەتى ق ر مەن گ ف ر جوعارى وقۋ ورىندارى اراسىنداعى عىلىمي ىنتىماقتاستىقتى قامتاماسىز ەتۋ جانە زاڭناما جاساپ شىعارۋعا كومەكتەسۋ بولىپ تابىلادى.
جالپى العاندا، دوڭگەلەك ۇستەلدىڭ قاتىسۋشىلارى قازاقستاننىڭ ينۆەستيتسيالىق تارتىمدىلىعىن اتاپ ءوتىپ، اۋىل شارۋاشىلىعى، اگروونەركاسىپتىك ماشينا جاساۋ سالالارىنداعى بىرلەسكەن جوبالاردى جۇزەگە اسىرۋعا قىزىعۋشىلىق تانىتتى.
ايتا كەتەيىك، «جاسىل اپتا 2018» حالىقارالىق اۋىل شارۋاشىلىعى كورمەسى اياسىندا بەرليندە 67 ەلدىڭ 1600 جادىگەرى تانىستىرىلدى.
