قازاقستان مەن ا ق ش قارىم- قاتىناسىن نىعايتۋعا قوس ەل مۇددەلى - ساراپشى

  استانا. قازاقپارات - الەمدىك ەكونوميكا جانە ساياسات ينستيتۋتىنىڭ ساراپشىسى ءادىل قاۋكەنوۆ قازاقستان پرەزيدەنتى نۇرسۇلتان نازاربايەۆتىڭ ا ق ش- قا رەسمي ساپارمەن بارۋى قوس ەلدىڭ قارىم- قاتىناسىنا قالاي اسەر ەتەتىنىن ايتتى.

 «مەملەكەت باسشىسىنىڭ الداعى ا ق ش- قا ساپارىنا قاتىستى پىكىرىمدى بىلدىرەيىن. قازاقستاننىڭ سىرتقى ساياساتىندا ا ق ش- پەن بايلانىس ورناتۋ ماڭىزدى. سەبەبى، امەريكا قۇراما شتاتتارى بۇگىندە الەمدەگى عىلىم جانە ءبىلىم بەرۋ سالاسىندا الەۋەتى جوعارى، ءارى اسكەري- ساياسي جانە ەكونوميكالىق دەرجاۆا بولىپ سانالادى» ، - دەدى ول.

وسى ورايدا ءادىل قاۋكەنوۆ ا ق ش- تىڭ دا قازاقستانعا قىزىعۋشىلىق تانىتاتىنىن جەتكىزدى.

«بىرىنشىدەن، ەلىمىز - ورتالىق ازيا جانە كاسپي ماڭى اۋماعىندا ورنالاسقان كەڭەس ۇكىمەتىنىڭ قۇرامىندا بولعان مەملەكەتتەردىڭ ءبىرى. سونداي- اق ورتالىق ازيا ەلدەرى اۋعانستانمەن شەكتەسەدى. ال ۆاشينگتوننىڭ بۇل اۋماقتا ءوزىنىڭ ۇزاق مەرزىمدى مۇددەلەرى بار. ياعني تەرروريزم مەن كۇرەسۋ جانە اسكەري وپەراتسيالار جۇرگىزۋگە بايلانىستى» ، - دەدى ساراپشى.

سونىمەن قاتار، ەلىمىزدىڭ ب ۇ ۇ قاۋىپسىزدىك كەڭەسىنىڭ ءتوراعاسى رەتىندە قانداي ماسەلەردى شەشۋگە ات سالىساتىنىنا قاتىستى پىكىرىن ءبىلدىردى.

«قازىرگى تاڭدا قازاقستان - ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى. ال 2018 -جىلدىڭ قاڭتار ايىنان باستاپ، ەلىمىز اتالعان كەڭەستىڭ ءتوراعاسى بولىپ سايلاندى. سونىمەن قاتار ب ۇ ۇ قاۋىپسىزدىك كەڭەسى تۇراقتى ەمەس مۇشەسى بولا وتىرىپ، تاليبان بويىنشا سانكتسيالىق كوميتەتتى باسقارادى. وسىلايشا، قازاقستان اۋعانستانداعى جاعدايدىڭ تۇراقتالۋى ماسەلەلەرىن تالقىعا سالماق. سوندىقتان دونالد ترامپ نۇرسۇلتان نازاربايەۆتى ا ق ش- قا رەسمي ساپارمەن كەلۋگە شاقىردى» ، - دەدى ءادىل قاۋكەنوۆ.

سونداي- اق، ساراپشى قوس مەملەكەت ءبىر- بىرىمەن ءوزارا بايلانىستى كۇشەيتۋگە جاۋاپتى ەكەنىن حابارلادى.

«قازاقستان- ا ق ش قارىم- قاتىناسىن نىعايتۋعا قوس ەل دە مۇددەلى. قازاقستان ءۇشىن الەمدەگى الدىڭعى قاتارلى مەملەكەتتىڭ رەسۋرسىنا كەدەرگىسىز قول جەتكىزۋ ماڭىزدى. ياعني، قازاقستاندىقتاردىڭ ۆيزا الۋ راسىمىنەن باستاپ، جوعارى تەحنولوگيا سالاسىنا ينۆەستيتسيا تارتۋعا دەيىن. ا ق ش ءۇشىن ورتالىق ازيا وڭىرىندەگى تۇراقتى مەملەكەتپەن دوستىق قارىم- قاتىناس ورناتۋ، تەرروريزممەن كۇرەسۋگە جانە اۋعانستاندا جاعدايدى تۇراقتاندىرۋ سىندى ماسەلەلەردى شەشۋگە جاڭا مۇمكىندىكتەر بەرەدى» ، - دەپ تۇيىندەدى ءسوزىن ءادىل قاۋكەنوۆ.

 داۋرەن ەربولات

 Baq.kz