ەلباسىنىڭ «تاۋەلسىزدىك ءداۋىرى»: ب ۇ ۇ قاۋىپسىزدىك كەڭەسىندەگى تۇراقتى ەمەس وكىلدىك - قازاقستان حالقىنىڭ تاريحي جەتىستىگى

استانا. قازاقپارات - قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس وكىلى بولىپ سايلانۋى - ءبىزدىڭ تاريحي جەڭىسىمىز.

بۇل - قازاقستان حالقىنىڭ ەسەيۋىنىڭ ايعاعى، ەڭبەك سىڭىرگەن ۇلتتىڭ تابىسى. مەملەكەت باسشىسى نۇرسۇلتان نازاربايەۆتىڭ «تاۋەلسىزدىك ءداۋىرى» اتتى كىتابىندا قازاقستاننىڭ سىرتقى ساياساتى مەن ديپلوماتياسىنا قاتىستى وسىلاي باعا بەرىلگەن.

كىتاپتا ەلباسى قازاقستان - قالىپتاسقان مەملەكەت - الەمدىك ساياسات پەن جاھاندىق ەكونوميكانىڭ تولىققاندى سۋبەكتىسىنە اينالعانىن اتاپ وتەدى. «مەملەكەت باسشىسى رەتىندەگى مەنىڭ سوزدەرىم اسا ماڭىزدى الەمدىك سامميتتەر مەن فورۋمداردا، G8 مەن G20-نى قوسا العاندا، قۇرمەتپەن قابىلداندى، ۇستانعان باعىتىمىز، باستامالار مەن ۇستانىمدارىمىز قاي كەزدە دە زور قىزىعۋشىلىق تۋعىزدى جانە ماڭىزدى شەشىمدەر قابىلدانار كەزدە ەسكەرىلدى.

وسىعان بايلانىستى، 2012 -جىلى ينتەگرالدىق قۋاتتىڭ جاھاندىق رەيتينگىندە (PFA ەكونوميكالىق ستراتەگيا ينستيتۋتى) ەكونوميكالىق فاكتورلاردىڭ قاتارىندا مەملەكەتتىك «قاتاڭ» جانە «يكەمدى» ءىس- ارەكەتى ەسكەرىلىپ، سىرتقى ساياساتتاعى جەتىستىكتەرى، ىشكى تۇراقتىلىق، كوشباسشىنىڭ حالىقارالىق ارەناداعى بەدەلى جانە ۇلتتىق قاۋىپسىزدىك دەڭگەيى ساراپتالعاندا قازاقستان 34-ورىندى يەلەنۋى زاڭدى ەدى»، دەپ جازادى ن. نازاربايەۆ.

سونىمەن قاتار، ەلباسى قازاقستاندىق ديپلوماتتار حالىقارالىق ۇيىمداردىڭ باسشىلىق قىزمەتتەرىنە سايلانا باستاعانىنا نازار اۋدارتادى. ماسەلەن، ب ۇ ۇ- نىڭ باس حاتشىسى پان گي مۋن 2011 -جىلدىڭ ناۋرىز ايىنان 2013 -جىلدىڭ قازان ايىنا دەيىن قاسىم- جومارت توقايەۆتى ب ۇ ۇ- نىڭ باس حاتشىسىنىڭ ورىنباسارى، ب ۇ ۇ- نىڭ جەنەۆاداعى بولىمشەسىنىڭ باس ديرەكتورى قىزمەتىنە تاعايىنداعان.

«قازاقستاننىڭ 2017-2018 -جىلدارعا ب ۇ ۇ قاۋىپسىزدىك كەڭەسىنىڭ تۇراقتى ەمەس وكىلى بولىپ سايلانۋى 2016 -جىلى 28 -ماۋسىمدا نيۋ- يوركتە، ب ۇ ۇ- نىڭ شتاب- پاتەرىندە ءوتتى. كەلەسى كۇنى مەن حالىققا ءوز جولداۋىممەن ءۇن قاتتىم. قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس وكىلى بولىپ سايلانۋى - ءبىزدىڭ تاريحي جەتىستىگىمىز. بۇل - قازاقستان حالقىنىڭ ەسەيۋىنىڭ ايعاعى، ەڭبەك سىڭىرگەن ۇلتتىڭ تابىسى» دەپ ەسكە الادى ەلباسى.

«2016 -جىلدىڭ 30 -ماۋسىمىندا ب ۇ ۇ- نىڭ باس حاتشىسى پان گي مۋن مەنى قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس وكىلى بولىپ سايلانۋىمەن قۇتتىقتادى. سايلاۋداعى داۋىس بەرۋدىڭ ناتيجەسى - بۇل قازاقستاننىڭ بەلسەندى جۇرگىزىلىپ كەلە جاتقان سىرتقى ساياساتىنا بەرىلگەن زور باعا دەپ اتاپ ءوتتى. بولاشاقتى ءدال بولجاعان ساياساتىنىڭ ارقاسىندا، قازاقستاننىڭ حالىقارالىق بىرتەكتىلىگى «قالىپتى» ورتاازيالىق فورمات شەڭبەرىنەن استى. قازاقستان رەسپۋبليكاسى - ءىرى ەۋرازيالىق مەملەكەت - ناقتى ايماقتا دا، سونداي-اق الەمدىك دەڭگەيدە دە پراگماتيۆتى تۇردە ماڭىزدى ءرول اتقاردى. حالىقارالىق بەدەلى جاعىنان قازاقستان 2010-جىلدارى-اق الەمدەگى الدىڭعى قاتارلى وتىز ەلدىڭ دەڭگەيىنە كوتەرىلدى. قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس وكىلى بولىپ ەنۋى - وسى دەڭگەيدىڭ دالەلى بولىپ تابىلادى»، - دەپ جازادى ەلباسى كىتابىندا.

ەسكە سالا كەتسەك، مەملەكەت باسشىسى نۇرسۇلتان نازاربايەۆتىڭ «تاۋەلسىزدىك ءداۋىرى» اتتى جاڭا كىتابى تاريحي پۋبليتسيستيكا جانرىندا جازىلعان، ەلىمىزدىڭ جاڭا تاريحى مەن ونىڭ ەرتەڭىنە دەگەن اۆتوردىڭ كوزقاراسىن تانىتادى.

ال قازاقستان 1 -قاڭتاردان باستاپ بىرىككەن ۇلتتار ۇيىمى قاۋىپسىزدىك كەڭەسىنىڭ ءتوراعالىعىن قابىلداعان بولاتىن. قازاقستاننىڭ ديپلوماتيالىق ميسسياسى ب ۇ ۇ قاۋىپسىزدىك كەڭەسىندەگى جۇمىس باعدارلاماسىن رەسمي تانىستىرىپ، بەكىتتى.