توقايەۆ ەۋرازياداعى ەۆرەي قاۋىمى كواليتسياسىنىڭ دەلەگاتسياسىن قابىلدادى
استانا ءبىزدىڭ ەلىمىزدىڭ ينۆەستورى ءارى ەكونوميكالىق ارىپتەسى قاتارىنداعى ا ق ش- پەن قاتىناستاردى دامىتۋعا ەرەكشە نازار اۋدارادى. ق. توقايەۆ ءبىزدىڭ ەلىمىزدىڭ كوپسالالى ءوزارا ءىس-قيمىلىن نىعايتۋدا پرەزيدەنتتەردىڭ سىندارلى ءۇن قاتىسۋلارى ماڭىزدى ءرول اتقاراتىنىن اتاپ ءوتتى.
پرەزيدەنت ن. نازاربايەۆتىڭ ا ق ش- قا الداعى ساپارىنىڭ ەرەكشە ءمانى بار. پارلامەنت جوعارعى پالاتاسىنىڭ باسشىسى ا ق ش كونگرەسى مەن ءوزارا ءىس-قيمىلدى تەرەڭدەتۋ جانە پارلامەنتارالىق ىنتىماقتاستىق تەتىكتەرىن نىعايتۋ جايىندا ايتتى.
ساۋدا-ەكونوميكالىق بايلانىستاردى ۇلعايتۋ كەلەشەگى تۋرالى ماسەلەنى تالقىلاۋ بارىسىندا دجەكسون-ۆەنيكتىڭ قازاقستانعا قاتىستى تۇزەتۋلەرىنىڭ كۇشىن ا ق ش كونگرەسى جويۋى قاجەتتىگى تۋرالى ورتاق پىكىرگە كەلدى.
ق. توقايەۆ بارلىق ەتنيكالىق جانە ءدىني توپتاردىڭ قۇقىقتارى مەن زاڭدى مۇددەلەرىن قورعاۋعا باعىتتالعان، ءبىزدىڭ ەلىمىزدە جۇزەگە اسىرىلعان ساياسات تۋرالى امەريكالىق دەلەگاتسيانى حاباردار ەتتى.
سەنات ءتوراعاسى الەمدىك جانە ءداستۇرلى دىندەر ليدەرلەرىنىڭ بارلىق بەس سەزىنە يۋدايزم وكىلدەرىنىڭ بەلسەندى قاتىسقانىن دا اتاپ ءوتتى.
د. رۋبين بەيبىتشىل سىرتقى ساياسات جۇرگىزۋدەگى جانە بۇۇ قاۋىپسىزدىك كەڭەسىندەگى ناتيجەلى جۇمىسى ءۇشىن قازاقستانعا العىس ايتتى.
NCSEJ باسشىسىنىڭ پىكىرىنشە، قازاقستان «ەتنيكالىق، ءدىني جانە مادەني بوستاندىقتار ماسەلەلەرىندە بۇكىل الەم ءۇشىن ۇلگى» بولىپ وتىر.
اڭگىمە بارىسىندا يادرولىق قارۋسىزدانۋ، جاھاندىق جانە ايماقتىق قاۋىپسىزدىك ماسەلەلەرىندەگى قازاقستاننىڭ باستامالارى دا تالقىلاندى.
